ਗੋਨਿਆਣਾ, 24 ਫਰਵਰੀ (ਲਛਮਣ ਦਾਸ ਗਰਗ): ਜੈ ਮਾਂ ਮਾਈਸਰਖਾਨਾ ਸੇਵਾ ਸੰਮਤੀ ਗੋਨਿਆਣਾ ਮੰਡੀ ਦੁਆਰਾ ਮਾਤਾ ਮਾਈਸਰਖਾਨਾ ਦੇ ਦਰਬਾਰ ਲਈ ਬੱਸ ਯਾਤਰਾ ਸ਼ੁਰੂ ਕੀਤੀ ਗਈ | ਉਕਤ ਯਾਤਰਾ ਦੀ ਪਹਿਲੀ ਬੱਸ ਨੂੰ ਕੌਂਸਲਰ ਰਾਕੇਸ਼ ਕੁਮਾਰ ਰੋਮਾਂ ਨੇ ਆਪਣੇ ਕਰ ਕਮਲਾਂ ਨਾਲ ਝੰਡੀ ਦੇ ਕੇ ਰਵਾਨਾ ਕੀਤਾ | ਸੇਵਾ ਸੰਮਤੀ ਦੇ ਬੁਲਾਰੇ ਅਨੁਸਾਰ ਇਹ ਬੱਸ ਹਰੇਕ ਮਹੀਨੇ ਦੀ ਛੱਟ ਵਾਲੇ ਦਿਨ ਰਾਤ ਨੂੰ 7.30 ਵਜੇ ਸਥਾਨਕ ਸ਼੍ਰੀ ਦੁਰਗਾ ਮੰਦਰ ਕੋਲ ਚੱਲਿਆ ਕਰੇਗੀ, ਜੋ ਭਗਤਾਂ ਨੂੰ ਮਾਤਾ ਰਾਣੀ ਦੇ ਦਰਸ਼ਨ ਕਰਵਾ ਕੇ ਰਾਤ ਸਮੇਂ ਹੀ ਵਾਪਸ ਗੋਨਿਆਣਾ ਮੰਡੀ ਪਹੁੰਚਿਆ ਕਰੇਗੀ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕੇਵਲ ਟਰੰਕ ਦੇ ਮਾਲਕ (ਕੇਵਲ ਚੰਦ), ਅਸ਼ੋਕ ਕੁਮਾਰ ਮੋਂਗਾ, ਸੱਤਪਾਲ ਸਿੰਘ ਪਾਹਵਾ, ਪ੍ਰੇਮ ਕੁਮਾਰ, ਕੇਸ਼ਵ ਕੁਮਾਰ, ਵਿੱਕੀ ਕੁਮਾਰ ਸਮੇਤ ਅਨੇਕਾਂ ਸ਼ਰਧਾਲੂ ਅਤੇ ਭਗਤਜਨ ਹਾਜ਼ਰ ਸਨ |
