ਨਥਾਣਾ, 22 ਅਪੈ੍ਰਲ (ਗੁਰਦਰਸ਼ਨ ਲੁੱਧੜ)-ਪੀ.ਐਮ. ਸ੍ਰੀ ਯੋਜਨਾ ਤਹਿਤ ਸਾਲ 2025-26 ਦÏਰਾਨ ਚੱਲ ਰਹੀਆਂ ਐੱਨ.ਐੱਸ.ਕਿਊ.ਐੱਫ. ਟਰੇਡਾਂ ਵਿਚ ਪੜ੍ਹ ਰਹੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਪ੍ਰਯੋਗਾਤਮਿਕ ਹੁਨਰਾਂ ਨੂੰ ਵਿਕਸਿਤ ਕਰਨ ਅਤੇ ਰੋਜ਼ਗਾਰ ਦੇ ਮÏਕਿਆਂ ਲਈ ਤਿਆਰ ਕਰਨ ਦੇ ਉਦੇਸ਼ ਨਾਲ ਪੀ.ਐੱਮ. ਸ਼੍ਰੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਗੋਬਿੰਦਪੁਰਾ ਵਿਖੇ ਸਿਖਲਾਈ ਸਮੱਗਰੀ (ਟੂਲ ਕਿੱਟਾਂ) ਦੀ ਵੰਡ ਕੀਤੀ ਗਈ¢ ਇਸ ਮÏਕੇ ਸਕੂਲ ਪਿ੍ੰਸੀਪਲ ਜਸਵੀਰ ਸਿੰਘ ਬੇਗਾ ਦੀ ਅਗਵਾਈ ਹੇਠ ਵਿਦਿਆਰਥੀਆਂ ਨੂੰ ਪਹਿਲਾਂ ਟੂਲ ਕਿੱਟਾਂ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਉਨ੍ਹਾਂ ਨੂੰ ਸਿੱਖੇ ਹੋਏ ਹੁਨਰ ਦਾ ਆਪਣੀ ਅਮਲੀ ਜ਼ਿੰਦਗੀ ਵਿਚ ਲਾਭ ਲੈਣ ਲਈ ਪ੍ਰੇਰਿਤ ਕੀਤਾ ਗਿਆ¢ਵੋਕੇਸ਼ਨਲ ਟ੍ਰੇਨਰਾਂ ਰਾਜਪ੍ਰੀਤ ਕÏਰ ਅਤੇ ਮਮਤਾ ਭੰਡਾਰੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕੁਲ 51 ਵਿਦਿਆਰਥੀਆਂ ਨੂੰ ਇਸ ਯੋਜਨਾ ਦਾ ਲਾਭ ਮਿਲਿਆ, ਜਿਨ੍ਹਾਂ ਵਿਚ 29 ਲੜਕੇ ਅਤੇ 22 ਲੜਕੀਆਂ ਸ਼ਾਮਿਲ ਹਨ¢ ਉਨ੍ਹਾਂ ਦੱਸਿਆ ਕਿ ਬਿਊਟੀ ਅਤੇ ਵੈਲਨੈਸ ਟਰੇਡ ਲਈ 22 ਅਤੇ ਕੰਪਿਊਟਰ ਸਾਇੰਸ ਟਰੇਡ ਲਈ 29 ਟੂਲ ਕਿੱਟਾਂ ਦੀ ਵੰਡ ਕੀਤੀ ਗਈ¢ ਇਸ ਮੌਕੇ ਸਕੂਲ ਦੇ ਲੈਕਚਰਾਰਾਂ ਮਨਜੋਤ ਕÏਰ, ਮੈਡਮ ਗਲੋਰੀ, ਡਾ. ਰਣਜੋਧ ਸਿੰਘ, ਚਮਕੌਰ ਸਿੰਘ, ਸੁਖਵਿੰਦਰ ਕÏਰ, ਮਾਸਟਰ ਜਰਨੈਲ ਸਿੰਘ ਅਤੇ ਜਗਜੀਤ ਸਿੰਘ ਨੇ ਕਿੱਤਾ-ਮੁਖੀ ਸਿੱਖਿਆ ਦੇ ਵਿਦਿਆਰਥੀਆਂ ਨੂੰ ਵੱਧ ਤੋਂ ਵੱਧ ਹੁਨਰੀ ਬਣਕੇ ਆਤਮਨਿਰਭਰ ਹੋਣ ਦਾ ਸੁਝਾਅ ਦਿੱਤਾ¢ ਅਵਤਾਰ ਸਿੰਘ ਸਰਪੰਚ ਗੋਬਿੰਦਪੁਰਾ ਵੱਲੋਂ ਵਿਦਿਆਰਥੀਆਂ ਨੂੰ ਸਕੂਲ ਵਿਚ ਚੱਲ ਰਹੀ ਕਿੱਤਾ ਮੁਖੀ ਵਿੱਦਿਅਕ ਟਰੇਡ ਦਾ ਵੱਧ ਤੋਂ ਵੱਧ ਲਾਹਾ ਲੈਣ ਦਾ ਸੱਦਾ ਦਿੱਤਾ ਗਿਆ¢
