ਅਣਪਛਾਤੇ ਵਿਅਕਤੀ ਦੀ ਹਸਪਤਾਲ ’ਚ ਮੌਤ

ਬਠਿੰਡਾ, 12 ਸਤੰਬਰ (ਅਵਤਾਰ ਸਿੰਘ ਕੈਂਥ)-ਸਥਾਨਕ ਸ਼ਹਿਰ ਦੇ ਮਾਲ ਗੋਦਾਮ ਰੋਡ ’ਤੇ, ਰੈਣ ਬਸੇਰੇ ਕੋਲ ਇਕ ਵਿਅਕਤੀ ਨੇ ਸਹਾਰਾ ਐਂਬੂਲੈਂਸ ਟੀਮ ਰਾਜੇਂਦਰ ਕੁਮਾਰ ਨੂੰ ਦੱਸਿਆ ਕਿ ਉਸ ਦਾ ਦਿਲ ਬਹੁਤ ਤੇਜ਼ ਧੜਕ ਰਿਹਾ ਹੈ ਅਤੇ ਉਸ ਨੂੰ ਸਾਹ ਲੈਣ ਵਿਚ ਮੁਸ਼ਕਿਲ ਆ ਰਹੀ ਹੈ। ਸਹਾਰਾ ਜਨ ਸੇਵਾ ਟੀਮ ਰਾਜੇਂਦਰ ਕੁਮਾਰ ਨੇ ਤੁਰੰਤ ਆਪਣੀ ਐਂਬੂਲੈਂਸ ਰਾਹੀਂ ਉਕਤ ਵਿਅਕਤੀ ਨੂੰ ਸਿਵਲ ਹਸਪਤਾਲ ਦੇ ਐਮਰਜੈਂਸੀ ਵਾਰਡ ਵਿਚ ਦਾਖਲ ਕਰਵਾਇਆ, ਜਿੱਥੇ ਡਿਊਟੀ ਡਾਕਟਰ ਨੇ ਉਸਨੂੰ ਆਕਸੀਜਨ ਲਗਾ, ਜਦੋਂ ਉਸਦੀ ਹਾਲਤ ਸਥਿਰ ਹੋ ਗਈ ਤਾਂ ਸਹਾਰਾ ਟੀਮ ਨੇ ਉਕਤ ਬਿਮਾਰ ਵਿਅਕਤੀ ਨੂੰ ਐਮਰਜੈਂਸੀ ਬੈੱਡ ’ਤੇ ਪਹੁੰਚਾਇਆ ਪਰ ਵਿਅਕਤੀ ਦੀ ਐਮਰਜੈਂਸੀ ਬੈੱਡ ’ ਤੇ ਪੈਣ ਸਾਰ ਹੀ ਮੌਤ ਹੋ ਗਈ।

Ad Position 21