ਬੀਜਾ, 1 ਜਨਵਰੀ (ਕਸ਼ਮੀਰਾ ਸਿੰਘ ਬਗ਼ਲੀ)-ਸ੍ਰੀ ਹਰਗੋਬਿੰਦ ਸਾਹਿਬ ਜੀ ਦੇ ਚਰਨ ਛੋਹ ਪ੍ਰਾਪਤ ਅਸਥਾਨ ਗੁਰਦੁਆਰਾ ਮੰਜੀ ਸਾਹਿਬ ਕੋਟਾਂ ਵਿਖੇ ਨਵੇਂ ਸਾਲ ਦੀ ਆਮਦ ਨੂੰ ਮੁੱਖ ਰੱਖਦਿਆਂ ਇਲਾਕੇ ਦੀਆਂ ਸੰਗਤਾਂ ਅੱਜ ਸਵੇਰੇ ਤੜਕੇ ਤੋਂ ਹੀ ਗੁਰੂ ਘਰ ਨਤਮਸਤਕ ਹੋਈਆਂ | ਇਸ ਮੌਕੇ ਸੰਗਤਾਂ ਵਲੋਂ ਜਿੱਥੇ ਆਪਣੇ ਪਰਿਵਾਰ ਦੀ ਅਰਦਾਸ ਕੀਤੀ ਉੱਥੇ ਸਰਬਤ ਦੇ ਭਲੇ ਦੀ ਅਰਦਾਸ ਵੀ ਕੀਤੀ | ਇਸ ਮੌਕੇ ਕਥਾਵਾਚਕ, ਰਾਗੀ ਜਥਿਆਂ ਨੇ ਕੀਰਤਨ ਰਾਹੀ ਸੰਗਤਾਂ ਨੂੰ ਨਿਹਾਲ ਕੀਤਾ | ਇਸ ਤਰ੍ਹਾਂ ਹੀ ਇਲਾਕੇ ਦੇ ਪਿੰਡ ਬੀਜਾ, ਜਸਪਾਲੋਂ, ਬਰਮਾਲੀਪੁਰ, ਕੋਟ, ਮਹਿੰਦੀਪੁਰ, ਦਹੇੜੂ, ਹਰਬੰਸਪੁਰਾ, ਰੂਪਾ, ਬਗਲੀ ਕਲਾਂ, ਬਗਲੀ ਖ਼ੁਰਦ, ਅਜਲੋਦ, ਲੋਪੋਂ, ਰੁਪਾਲੋਂ, ਘੁੰਗਰਾਲੀ, ਕਿਸ਼ਨਗੜ੍ਹ ਆਦਿ ਗੁਰੂ ਘਰਾਂ ਵਿਖੇ ਵੀ ਨਗਰ ਦੀਆਂ ਸੰਗਤਾਂ ਨੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ ਗਈ |
