ਜੇਕਰ ਗੱਲ ਕੀਤੀ ਜਾਵੇ ਤਾਂ ਇਹ ਮੀਂਹ ਕਣਕ ਦੀ ਫ਼ਸਲ ਨੂੰ ਇਕ ਖ਼ੁਰਾਕ ਦੀ ਤਰ੍ਹਾਂ ਨਾਲ ਲੱਗੇਗਾ ਜਿਸ ਨਾਲ ਕਣਕ ਦੀ ਫ਼ਸਲ ਹੋਰ ਵਧੇਰੇ ਝਾੜ ਦੇਣ ਦੇ ਕਾਬਿਲ ਬਣ ਜਾਵੇਗੀ ਅਤੇ ਮੀਂਹ ਕਣਕ ਦੀ ਫ਼ਸਲ ਲਈ ਸੋਨੇ 'ਤੇ ਸੁਹਾਗਾ ਮੰਨਿਆ ਜਾ ਰਿਹਾ ਹੈ | ਉੱਥੇ ਹੀ ਇਹ ਮੀਂਹ ਹਰੇ ਚਾਰੇ ਲਈ ਵੀ ਬਹੁਤ ਫ਼ਾਇਦੇਮੰਦ ਹੈ | ਜਿਸ ਨੂੰ ਦੇਖਦਿਆਂ ਦੇਸ਼ ਦੇ ਅੰਨਦਾਤੇ ਕਿਸਾਨ ਦੇ ਚਿਹਰੇ 'ਤੇ ਰੌਣਕ ਆਪ ਮੁਹਾਰੇ ਝਲਕ ਰਹੀ ਹੈ | ਦੂਜੇ ਪਾਸੇ ਦੇਖਿਆ ਜਾਵੇ ਤਾਂ ਵਾਤਾਵਰਨ ਬਹੁਤ ਗੰਧਲਾ ਹੋ ਗਿਆ ਸੀ ਤੇ ਦਰਖਤ ਜੋ ਮਿੱਟੀ ਧੂੜ ਨਾਲ ਭਰੇ ਹੋਏ, ਮੀਂਹ ਪੈਣ ਨਾਲ ਦਰਖਤਾਂ ਦੇ ਸਾਫ਼ ਸੁਥਰੇ ਹੋਣ ਨਾਲ ਵਾਤਾਵਰਨ ਦੀ ਸ਼ੁੱਧਤਾ ਆਈ, ਉੱਥੇ ਹੀ ਹਵਾ ਦੀ ਗੁਣਵੱਤਾ ਵਿਚ ਵੀ ਕਾਫੀ ਸੁਧਾਰ ਆਵੇਗਾ ਅਤੇ ਪ੍ਰਦੂਸ਼ਣ ਤੋਂ ਛੁਟਕਾਰਾ ਮਿਲੇਗਾ | ਲੋਕਾਂ ਨੂੰ ਸੁੱਕੀ ਪੈ ਰਹੀ ਠੰਢ ਕਾਰਨ ਖੰਘ-ਜੁਕਾਮ ਦੀਆਂ ਜੋ ਬਿਮਾਰੀਆਂ ਨੇ ਜਕੜ ਰੱਖਿਆ ਸੀ ਉਸ ਤੋਂ ਵੀ ਰਾਹਤ ਮਿਲੇਗੀ |
