ਪੰਚਾਇਤ ਵਲੋਂ ਬਣਾਈ ਜਾ ਰਹੀ ਗਲੀ ਵਿਚ ਨਿਯਮਾਂ ਦੀ ਅਣਦੇਖੀ ਕਰਨ ਦੇ ਦੋਸ਼
ਅਜੀਤ ਡੈਸਕ
04-02-2026
ਕਾਨੂੰਨੀ ਦਾਇਰੇ ਵਿਚ ਹੋ ਰਿਹਾ ਕੰਮ-ਸਰਪੰਚ ਬੀਬੀ ਮਨਜੀਤ ਕੌਰ
ਸਰਪੰਚ ਬੀਬੀ ਮਨਜੀਤ ਕੌਰ ਨੇ ਇਸ ਸਬੰਧੀ ਸਥਿਤੀ ਸਪੱਸ਼ਟ ਕਰਦਿਆਂ ਕਿਹਾ ਕਿ ਵਿਭਾਗੀ ਮਹਿਕਮੇ ਦੇ ਅਧਿਕਾਰੀਆਂ ਦੀਆਂ ਸਿਫਾਰਿਸ਼ਾਂ ਤੇ ਕਾਨੂੰਨੀ ਦਾਇਰੇ ਅੰਦਰ ਰਹਿ ਕੇ ਕੰਮ ਕਰਵਾਇਆ ਜਾ ਰਿਹਾ ਹੈ | ਉਨ੍ਹਾਂ ਆਖਿਆ ਕਿ ਫਿਲਹਾਲ ਸਾਰੇ ਮੁਹੱਲੇ ਨੂੰ ਛੱਡ ਕੇ ਸਿਰਫ਼ ਕੁਝ ਕੁ ਲੋਕ ਵਿਕਾਸ ਦੇ ਕੰਮਾਂ ਵਿਚ ਵਿਘਨ ਪਾ ਰਹੇ ਹਨ | ਮਨਜੀਤ ਕੌਰ ਨੇ ਕਿਹਾ ਕਿ ਗਲੀਆਂ ਦੇ ਨਵ-ਨਿਰਮਾਣ ਸਮੇਂ ਲੇਬਲ ਦਾ ਥੋੜ੍ਹਾ ਉੱਚਾ ਹੋਣਾ ਸੁਭਾਵਿਕ ਹੈ ਤੇ ਵਾਰਡ ਦੇ ਬਾਕੀ ਸਾਰੇ ਵਸਨੀਕਾਂ ਵੋਟਰਾਂ ਨੇ ਕੋਈ ਇਤਰਾਜ ਪ੍ਰਗਟ ਨਹੀਂ ਕੀਤਾ ਹੈ | ਸਰਪੰਚ ਬੀਬੀ ਮਨਜੀਤ ਕੌਰ ਨੇ ਕਿਹਾ ਕਿ ਸਮੁੱਚੇ ਮੁਹੱਲੇ ਦੇ ਗੰਦੇ ਪਾਣੀ ਦੇ ਨਿਕਾਸ ਲਈ ਪੰਚਾਇਤ ਯਤਨਸ਼ੀਲ ਹੈ ਤੇ ਗਲੀ ਦੇ ਨਿਰਮਾਣ ਆਦਿ ਸਮੇਤ ਇਨ੍ਹਾਂ ਕੰਮਾਂ ਵਿਚ ਕਿਸੇ ਵੀ ਕਿਸਮ ਦੇ ਕਾਨੂੰਨ ਦੀ ਉਲੰਘਣਾ ਜਾਂ ਨਿਯਮਾਂ ਦੀ ਅਣਦੇਖੀ ਨਹੀਂ ਕੀਤੀ ਜਾ ਰਹੀ |
