ਸਾਹਨੇਵਾਲ, 2 ਮਾਰਚ (ਹਨੀ ਚਾਠਲੀ)-ਸਾਹਨੇਵਾਲ ਕਸਬੇ ਦੇ ਮਾਤਾ ਮੈਦਾਨਣ ਦੇਵੀ ਅਤੇ ਮਾਤਾ ਸ਼ੀਤਲਾ ਦੇਵੀ ਦੇ ਪ੍ਰਾਚੀਨ ਮੰਦਰ ਕਨੇਚ ਰੋਡ ਸਾਹਨੇਵਾਲ ਵਿਖੇ ਮਨਾਏ ਜਾ ਰਹੇ ਮੇਲਿਆਂ ਸਬੰਧੀ ਪ੍ਰਧਾਨ ਸਵਰਨ ਕੁਮਾਰ ਸੋਨੀ ਅਤੇ ਵਾਈਸ ਪ੍ਰਧਾਨ ਰਮਨ ਕੁਮਾਰ ਰੋਮੀ ਦੀ ਅਗਵਾਈ ਹੇਠ ਮੈਂਬਰਾਂ ਅਤੇ ਇਲਾਕਾ ਵਾਸੀਆਂ ਦੀ ਮੀਟਿੰਗ ਹੋਈ | ਸਵਰਨ ਸੋਨੀ ਅਤੇ ਰਮਨ ਕੁਮਾਰ ਰੋਮੀ ਨੇ ਦੱਸਿਆ ਕਿ ਮੰਦਰ 'ਚ ਮਾਤਾ ਮੈਦਾਨਣ ਦੇਵੀ ਅਤੇ ਮਾਤਾ ਸ਼ੀਤਲਾ ਦੇਵੀ ਦਾ ਮੇਲਾ 17 ਫਰਵਰੀ ਤੋਂ ਸ਼ੁਰੂ ਹੋ ਗਿਆ ਹੈ | ਮੰਦਰ 'ਚ ਤੀਜਾ ਵੱਡਾ ਮੇਲਾ 3 ਮਾਰਚ ਅਤੇ ਚੌਥਾ ਵੱਡਾ ਮੇਲਾ 10 ਮਾਰਚ ਅਤੇ ਪੰਜਵਾਂ ਮੇਲਾ 17 ਮਾਰਚ ਨੂੰ ਮਨਾਇਆ ਜਾ ਰਿਹਾ ਹੈ, ਜਿਸ ਸਬੰਧੀ ਮੰਦਰ ਕਮੇਟੀ ਦੇ ਮੈਂਬਰਾਂ ਅਤੇ ਇਲਾਕਾ ਨਿਵਾਸੀਆਂ ਵਲੋਂ ਮੇਲੇ ਮਨਾਉਣ ਲਈ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ | ਉਨ੍ਹਾਂ ਦੱਸਿਆ ਕਿ 3 ਮਾਰਚ ਨੂੰ ਮਾਤਾ ਮੈਦਾਨਣ ਦੇਵੀ ਅਤੇ ਮਾਤਾ ਸ਼ੀਤਲਾ ਦੇਵੀ ਦੀ ਹਜ਼ਾਰਾਂ ਸ਼ਰਧਾਲੂਆਂ ਵਲੋਂ ਪੂਜਾ ਸ਼ਰਧਾਪੂਰਵਕ ਕੀਤੀ ਜਾਵੇਗੀ | ਤੜਕਸਾਰ ਤੋਂ ਹੀ ਮਾਤਾ ਜੀ ਦੀ ਚੌਂਕੀ ਲਗਾਈ ਜਾਵੇਗੀ |
