ਬੀਜਾ, 7 ਮਾਰਚ (ਅਵਤਾਰ ਸਿੰਘ ਜੰਟੀ ਮਾਨ)-ਭਾਰਤੀ ਕਿਸਾਨ ਯੂਨੀਅਨ ਰਾਜੇਵਾਲ 10 ਮਾਰਚ ਨੂੰ ਸੰਯੁਕਤ ਕਿਸਾਨ ਮੋਰਚੇ ਦੀ ਬਰਨਾਲਾ ਰੈਲੀ 'ਚ ਕਾਫ਼ਲੇ ਬਣਾ ਕੇ ਸ਼ਾਮਲ ਹੋਵੇਗੀ | ਇਹ ਪ੍ਰਗਟਾਵਾ ਅੱਜ ਇੱਥੇ ਜਥੇਬੰਦੀ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਪ੍ਰਗਟ ਸਿੰਘ ਕੋਟ ਪਨੈਚ ਨੇ ਕਰਦਿਆਂ ਕਿਹਾ ਕਿ ਭਾਰਤ ਵੱਲੋਂ ਅਮਰੀਕਾ ਸਮਝੌਤੇ ਦੌਰਾਨ ਸਾਡੀ ਖੇਤੀ, ਡੇਅਰੀ ਫਾਰਮਿੰਗ ਤੇ ਬਾਗ਼ਬਾਨੀ ਦੀ ਬਲੀ ਦਿੱਤੀ ਜਾ ਰਹੀ ਹੈ, ਜਿਸ ਨੰੂ ਬਰਦਾਸ਼ਤ ਕਰਨਾ ਆਰਥਿਕ ਸਮਾਜਿਕ ਤੇ ਧਾਰਮਿਕ ਤਬਾਹੀ ਤੋਂ ਘੱਟ ਨਹੀਂ ਹੋਵੇਗਾ | ਉਨ੍ਹਾਂ ਕਿਹਾ ਕਿ 10 ਮਾਰਚ ਦੀ ਰੈਲੀ ਦਿੱਲੀ ਵਰਗੇ ਅੰਦੋਲਨ ਦਾ ਆਗਾਜ਼ ਹੋਵੇਗੀ | ਇਸ ਮੌਕੇ 'ਤੇ ਹੋਰਨਾਂ ਤੋਂ ਇਲਾਵਾ ਸਾਬਕਾ ਇੰਜੀਨੀਅਰ ਧੰਨਰਾਜ ਸਿੰਘ ਕੋਟ ਪਨੈਚ, ਬਹਾਦਰ ਸਿੰਘ, ਬਲਜਿੰਦਰ ਸਿੰਘ ਭੋਲਾ ਰਾਏਪੁਰ ਰਾਜਪੂਤਾਂ ਵੀ ਮੌਜੂਦ ਸਨ |
