ਰਾੜਾ ਸਾਹਿਬ, 9 ਮਾਰਚ (ਸੁਖਵੀਰ ਸਿੰਘ ਚਣਕੋਈਆਂ)- ਗੀਤਕਾਰ ਸਭਾ ਘੁਡਾਣੀ ਕਲਾਂ ਦੀ ਮਹੀਨਾਵਾਰ ਮੀਟਿੰਗ ਸਭਾ ਦੇ ਸੀਨੀਅਰ ਮੀਤ ਪ੍ਰਧਾਨ ਜੱਗੀ ਘੁਡਾਣੀ ਦੀ ਅਗਵਾਈ ਹੇਠ ਸਭਾ ਦੇ ਮੁੱਖ ਦਫ਼ਤਰ ਵਿਚ ਹੋਈ | ਜਿਸ ਵਿਚ ਕਈ ਗੀਤਕਾਰ ਤੇ ਕਲਾਕਾਰ ਸ਼ਾਮਿਲ ਹੋਏ | ਸਭਾ ਦੇ ਜਨਰਲ ਸਕੱਤਰ ਬੰਤ ਘੁਡਾਣੀ ਨੇ ਕਾਰਵਾਈ ਤੋਂ ਪਹਿਲਾਂ ਸਭਾ ਦੀਆਂ ਭਵਿੱਖ ਦੀਆਂ ਗਤੀਵਿਧੀਆਂ ਬਾਰੇ ਹਾਜ਼ਰੀਨ ਨਾਲ ਜਾਣਕਾਰੀ ਸਾਂਝੀ ਕੀਤੀ, ਉਪਰੰਤ ਗੀਤਾਂ ਦੀ ਮਹਿਫ਼ਲ ਸਜਾਉਂਦਿਆਂ ਕੁੱਕੂ ਘਲੋਟੀ ਨੇ ਗੀਤ ਅਰਸ਼ਾਂ ਤੇ ਹੂਰ ਨਾਲ ਕੀਤੀ, ਦਵਿੰਦਰ ਸਿੰਘ ਧੋਲਮਾਜਰਾ ਨੇ ਗੀਤ ਨਾ ਕਲੀ ਰਹੀ ਨਾ ਫੁੱਲ ਬਣੀ, ਜੱਗੀ ਘੁਡਾਣੀ ਨੇ ਗੀਤ ਨਿੱਤ ਦੇ ਸ਼ਰਾਬੀਅ ਵੇ, ਭੋਲੂ ਧੋਲਮਾਜਰਾ ਨੇ ਗੀਤ ਮਾਇਆ ਨਾਲ ਨਹੀਉ ਜਾਣੀ, ਮੁਕੰਦ ਸਿੰਘ ਦੁਧਾਲ ਨੇ ਗੀਤ ਬਦਲ ਇਤਿਹਾਸ ਦੇਵਾਂਗੇ ਅਤੇ ਬੰਤ ਘੁਡਾਣੀ ਨੇ ਗੀਤ ਮਾਰਾਂ ਸੰਤਾਲੀ ਵਾਲੀਆਂ ਗੀਤ ਸੁਣਾ ਕੇ ਹਾਜ਼ਰੀ ਲਵਾਈ | ਇਸ ਮੌਕੇ ਕਰਨਵੀਰ ਸਿੰਘ ਦੁਧਾਲ 'ਤੇ ਮਨੀਸ਼ ਕਾਲਾ ਸੰਾਘਿਆ ਵਾਲਾ ਵੀ ਸਨ |
