ਜੰਗਲਾਤ 'ਚੋਂ ਫਿਰ ਦਰੱਖ਼ਤਾਂ ਦੀ ਚੋਰੀ ਦਾ ਮਾਮਲਾ ਗਰਮਾਇਆ, ਅਕਸਰ ਪਹਿਲਾਂ ਵੀ ਲੱਕੜ ਦੀ ਹੁੰਦੀ ਰਹੀ ਚੋਰੀ
ਅਜੀਤ ਡੈਸਕ
11-03-2026
ਇਸ ਤੋਂ ਪਹਿਲਾਂ ਵੀ ਲੱਕੜ ਚੋਰੀ ਹੋਣ ਦੇ ਕਈ ਮਾਮਲੇ ਸਾਹਮਣੇ ਆਏ ਹਨ | ਹੁਣ ਦੇਖਣਾ ਇਹ ਹੋਵੇਗਾ ਕਿ ਜੰਗਲਾਤ ਵਿਭਾਗ ਵੱਲੋਂ ਲੱਕੜ ਦੀ ਹੋ ਰਹੀ ਚੋਰੀ ਨੂੰ ਰੋਕਣ ਲਈ ਕਿਸ ਤਰ੍ਹਾਂ ਕਾਰਵਾਈ ਨੂੰ ਅੰਜਾਮ ਤੱਕ ਪਹੰੁਚਾਇਆ ਜਾਂਦਾ ਹੈ | ਸਿਰਫ਼ ਜੰਗਲੀ ਖੇਤਰ ਵਿੱਚ ਲੱਕੜ ਚੋਰੀ ਦਾ ਹੀ ਇਕ ਮੁੱਦਾ ਨਹੀਂ ਹੈ | ਇਸ ਤੋਂ ਇਲਾਵਾ ਜੰਗਲੀ ਖੇਤਰ ਵਿੱਚ ਕਈ ਤਰ੍ਹਾਂ ਦੇ ਗੈਰ-ਕਾਨੂੰਨੀ ਢੰਗ ਨਾਲ ਲੋਕਾਂ ਦੁਆਰਾ ਕਬਜ਼ੇ ਕੀਤੇ ਹੋਏ ਹਨ | ਇਹਨਾਂ ਕਬਜ਼ਿਆਂ ਨੂੰ ਰੋਕਣ ਵਿਚ ਵੀ ਜੰਗਲਾਤ ਵਿਭਾਗ ਪੂਰੀ ਤਰ੍ਹਾਂ ਅਸਫਲ ਰਿਹਾ ਹੈ | ਜਦੋਂ ਇਸ ਸਬੰਧ ਵਿੱਚ ਵਣ ਰੇਂਜ ਅਧਿਕਾਰੀ ਸ਼ਮਿੰਦਰ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦਸਿਆ ਕਿ ਸਰਹਿੰਦ ਨਹਿਰ ਕਿਨਾਰੇ ਜੰਗਲ ਵਿਚੋਂ ਕਰੀਬ ਤਿੰਨ ਦਰਖਤਾਂ ਦੀ ਚੋਰੀ ਹੋਈ ਹੈ | ਜਿਸ ਦੀ ਵਿਭਾਗ ਵੱਲੋਂ ਆਪਣੇ ਤੌਰ 'ਤੇ ਜਾਂਚ ਕੀਤੀ ਜਾ ਰਹੀ ਹੈ |
ਉਨ੍ਹਾਂ ਜੰਗਲੀ ਖੇਤਰ ਵਿੱਚ ਪਹਿਲਾਂ ਵੀ ਲੱਕੜ ਚੋਰੀ ਦੇ ਮਾਮਲੇ ਹੋਣ ਬਾਰੇ ਵੀ ਪੁਸ਼ਟੀ ਕੀਤੀ ਅਤੇ ਕਿਹਾ ਕਿ ਲੱਕੜ ਚੋਰੀ ਹੋਣ ਦੇ ਮਾਮਲੇ ਸਾਹਮਣੇ ਆਉਂਦੇ ਹਨ | ਜਿਨ੍ਹਾਂ ਵਿਚੋਂ ਕਈ ਮਾਮਲੇ ਸੁਲਝਾ ਲਏ ਗਏ ਹਨ ਪਰ ਫਿਰ ਵੀ ਲੱਕੜ ਤਸਕਰ ਰਾਤ ਨੂੰ ਆ ਕੇ ਇਹਨਾਂ ਜੰਗਲਾਂ ਵਿੱਚ ਪਈ ਕੀਮਤੀ ਲੱਕੜ ਚੋਰੀ ਕਰ ਲੈ ਜਾਂਦੇ ਹਨ | ਜੰਗਲਾਤ ਵਿਭਾਗ ਦੀ ਜ਼ਮੀਨ ਤੇ ਹੋਏ ਗੈਰ ਕਾਨੂੰਨੀ ਢੰਗ ਨਾਲ ਕਬਜ਼ਿਆਂ ਬਾਰੇ ਉਨ੍ਹਾਂ ਕਿਹਾ ਕਿ ਮਾਲ ਵਿਭਾਗ ਨੂੰ ਲਿਖਤ ਵਿਚ ਭੇਜਿਆ ਜਾ ਚੁੱਕਾ ਹੈ |
