ਨਗਰ ਕੀਰਤਨ ਦੀ ਸਮਾਪਤੀ ਤੋਂ ਬਾਅਦ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਵਿਚ ਸੰਗਤਾਂ ਲਈ ਲੰਗਰ ਵਰਤਾਏ ਗਏ | ਲੰਗਰ ਦੀ ਦੇਖ ਰੇਖ ਅਮਨਦੀਪ ਸਿੰਘ ਭਾਟੀਆ ਅਤੇ ਭਾਜਪਾ ਨੇਤਾ ਰਣਜੀਤ ਸਿੰਘ ਹੀਰਾ ਨੇ ਕੀਤੀ | ਰਸਤੇ 'ਚ ਬਹੁਤ ਹੀ ਸੁੰਦਰ ਢੰਗ ਨਾਲ ਫੁੱਲਾਂ ਦੀ ਵਰਖਾ ਕਰ ਕੇ ਥਾਂ ਥਾਂ 'ਤੇ ਸੁੰਦਰ ਗੇਟ ਅਤੇ ਲੰਗਰ ਲਗਾ ਕੇ ਨਗਰ ਕੀਰਤਨ ਦਾ ਸਵਾਗਤ ਕੀਤਾ ਗਿਆ | ਨਗਰ ਕੀਰਤਨ ਦੇ ਸਵਾਗਤ ਲਈ ਸ਼ਹਿਰ ਦੇ ਰਸਤਿਆਂ 'ਤੇ ਖ਼ਾਲਸਾਈ ਝੰਡੇ ਥਾਂ ਥਾਂ 'ਤੇ ਝੁੱਲ ਰਹੇ ਸਨ | ਪੂਰਾ ਰਸਤਾ ਸ਼ਾਨਦਾਰ ਲਾਈਟਾਂ ਨਾਲ ਸਜਾਇਆ ਗਿਆ ਸੀ | ਇਸ ਮੌਕੇ ਬਾਈ ਜੀ ਕੁਟੀਆ ਵਾਲੇ, ਗੌਂਸੀ ਦੀ ਖੂਹੀ ਵਾਲੇ ਸਵਾਮੀ ਜੀ ਅਤੇ ਸਮਾਜ ਦੇ ਸੰਤਾਂ ਵਲੋਂ ਵੀ ਨਗਰ ਕੀਰਤਨ ਦਾ ਸਵਾਗਤ ਕੀਤਾ ਗਿਆ |
