ਨਗਰ ਕੀਰਤਨ ਦੌਰਾਨ ਨਿਹੰਗ ਸਿੰਘਾਂ ਦੀਆਂ ਫ਼ੌਜਾਂ, ਘੋੜ ਸਵਾਰ ਤੇ ਹਾਥੀ ਵੀ ਦਿਖਾਈ ਦੇ ਰਹੇ ਸਨ | ਨਗਰ ਕੀਰਤਨ ਵਿਚ ਕਈ ਗਤਕਾ ਪਾਰਟੀਆਂ ਸ਼ਾਮਿਲ ਸਨ , ਜਿੰਨਾ ਨੇ ਥਾਂ ਥਾਂ ਵੱਖ ਵੱਖ ਚੌਕਾਂ ਵਿਚ ਗਤਕੇ ਦੇ ਕਮਾਲ ਦੇ ਜੌਹਰ ਦਿਖਾਏ | ਘੋੜਿਆਂ ਦੀ ਸੈਨਾ ਬਾਬਾ ਅਜੀਤ ਸਿੰਘ ਦੀ ਅਗਵਾਈ ਵਿਚ ਤਰਨਾ ਦਲ, ਚੌਕ ਮਹਿਤਾ, ਦਮਦਮੀ ਟਕਸਾਲ ਤੋਂ ਪੁੱਜੀ ਸੀ | ਧਾਰਮਿਕ ਜਥਿਆਂ, ਧਾਰਮਿਕ ਝਾਕੀਆਂ, ਪੀਲੀਆਂ ਅਤੇ ਨੀਲੀਆਂ ਚੁੰਨੀਆਂ ਲਈ ਬੀਬੀਆਂ ਤੇ ਖ਼ਾਲਸਾਈ ਰੰਗਾਂ ਦੀਆਂ ਦਸਤਾਰਾਂ ਨਾਲ ਸਜੇ ਨੌਜਵਾਨ ਨਗਰ ਕੀਰਤਨ ਦੀ ਸ਼ੋਭਾ ਨੂੰ ਵਧਾ ਰਹੇ ਸਨ | ਜਗਾ ਜਗਾ ਨਗਰ ਕੀਰਤਨ ਦਾ ਲੋਕਾਂ, ਸੰਸਥਾਵਾਂ ਅਤੇ ਗੁਰਦੁਆਰਾ ਕਮੇਟੀਆਂ ਵੱਲੋਂ ਸਵਾਗਤ ਕੀਤਾ ਗਿਆ ਲੰਗਰ ਲਾਏ ਗਏ |
