ਦੋਰਾਹਾ, 4 ਮਈ (ਮਨਜੀਤ ਸਿੰਘ ਗਿੱਲ)-ਪੰਜਾਬ, ਪੰਜਾਬੀਅਤ ਪੰਜਾਬ ਤੇ ਪੰਜਾਬੀਅਤ ਨੂੰ ਜੋੜਨ ਵਾਲੀ ਕਿਤਾਬ (ਰੀਝਾਂ ਦੀ ਲੋਅ) ਦੀ ਘੁੰਡ ਚੁਕਾਈ ਕਾਰਜ ਸਾਧਕ ਅਫ਼ਸਰ ਦੋਰਾਹਾ ਹਰਨਰਿੰਦਰ ਸਿੰਘ ਸ਼ੇਰਗਿੱਲ ਵਲੋਂ ਕੀਤੀ ਗਈ | ਇਸ ਕਿਤਾਬ ਵਿਚ ਨਾਮਵਰ ਕਵੀਆਂ ਦੇ ਨਾਲ-ਨਾਲ ਨਵਜੋਤ ਸਿੰਘ (ਨਵੀ ਖੰਨਾ) ਦੀਆਂ ਕਵਿਤਾਵਾਂ ਵੀ ਦਰਜ ਹਨ | ਇਸ ਮੌਕੇ ਹਰਨਿੰਦਰ ਸਿੰਘ ਵਲੋਂ ਕਵੀ ਨਵਜੋਤ ਸਿੰਘ (ਨਵੀ ਖੰਨਾ) ਦੀਆਂ ਲਿਖਤਾਂ ਦੀ ਪ੍ਰਸ਼ੰਸਾ ਕੀਤੀ ਤੇ ਉਨ੍ਹਾਂ ਦੀ ਮਾਂ ਬੋਲੀ ਪ੍ਰਤੀ ਸੇਵਾ ਲਈ ਵਧਾਈ ਦਿੱਤੀ | ਇਸ ਮੌਕੇ ਨਵਜੋਤ ਸਿੰਘ ਵਲੋਂ ਈ. ਓ. ਦਾ ਧੰਨਵਾਦ ਕੀਤਾ ਤੇ ਵਿਸ਼ਵਾਸ ਦਵਾਇਆ ਗਿਆ ਕਿ ਮਾਂ ਬੋਲੀ ਦੀ ਸੇਵਾ ਕਰਦਿਆਂ ਹੋਇਆਂ ਉਹ ਜਲਦੀ ਹੀ ਹੋਰ ਵੀ ਕਵਿਤਾਵਾਂ ਲੋਕਾਂ ਦੀ ਝੋਲੀ ਵਿੱਚ ਪਾਉਣਗੇ | ਕਿਤਾਬ ਦੇ ਸੰਪਾਦਕ ਜੋਤੀ ਬਜਾਜ ਨੂਰ, ਨੀਲੂ ਬੱਗਾ ਲੁਧਿਆਣਾਵੀ, ਨਵਨੀਤ ਕੌਰ ਦਾ ਵੀ ਉਚੇਚੇ ਤੌਰ 'ਤੇ ਧੰਨਵਾਦ ਕੀਤਾ | ਇਸ ਸਮੇਂ ਗੁਰਸ਼ਰਨ ਸਿੰਘ ਗਿੱਲ, ਲਖਮੀ ਚੰਦ, ਰਾਜਵੀਰ ਸਿੰਘ, ਪ੍ਰਦੀਪ ਸਿੰਘ ਮੌਜੂਦ ਸਨ |
