ਹਲਵਾਰਾ, 4 ਜੁਲਾਈ (ਮਨਦੀਪ ਸਿੰਘ ਉੱਭੀ) ਭਾਜਪਾ ਕਾਰਕੁੰਨ ਨਾਜ਼ੀਆ ਇਲਾਹੀ ਖਾਨ ਜੋ ਮੁਸਲਮਾਨ ਭਾਈਚਾਰੇ ਖਿਲਾਫ਼ ਜ਼ਹਿਰ ਉਗਲਦੀਆਂ ਨਫਰਤੀ ਟਿੱਪਣੀਆਂ ਕਰਦੀ ਰਹਿੰਦੀ ਹੈ, ਪਰ ਇਸ ਵਾਰ ਤਾਂ ਸਾਰੀਆਂ ਹੱਦਾਂ ਪਾਰ ਕਰਦਿਆਂ ਹਜ਼ਰਤ ਮੁਹੰਮਦ ਸਾਹਿਬ ਅਤੇ ਉਨ੍ਹਾਂ ਦੀ ਬੀਵੀ ਆਇਸ਼ਾ ਬਾਰੇ ਬਹੁਤ ਹੀ ਨਿੰਦਣਯੋਗ ਅਤੇ ਇਤਰਾਜਯੋਗ ਵਿਵਾਦਤ ਟਿੱਪਣੀਆਂ ਕੀਤੀਆਂ ਗਈਆਂ । ਜਿਸ ਕਾਰਨ ਮੁਸਲਮਾਨ ਭਾਈਚਾਰੇ ਵਿਚ ਜਬਰਦਸਤ ਗੁੱਸਾ ਤੇ ਰੋਸ ਪੈਦਾ ਹੋ ਗਿਆ । ਅਜਮੇਰੀ ਸਜਿਦ ਹਲਵਾਰਾ ਦੇ ਇਮਾਮ ਮੌਲਾਨਾ ਨਾਸਰੁੱਲ ਹੱਕ ਮਿਸਬਾਹੀ ਅਤੇ ਮਸਜਿਦ ਦੇ ਪ੍ਰਧਾਨ ਬੂਟਾ ਖਾਨ ਦੀ ਅਗਵਾਈ ਹੇਠ ਰੋਸ ਮੁਜ਼ਾਹਰਾ ਕੀਤਾ ਗਿਆ, ਪ੍ਰਦਰਸ਼ਨ ਦੇ ਵਿਚ ਉਨ੍ਹਾਂ ਤਖ਼ਤੀਆਂ ’ਤੇ ਨਾਅਰੇ ਲਿਖ ਕੇ ਨਾਜੀਆ ਇਲਾਹੀ ਨੂੰ ਫਾਂਸੀ ਦੋ, ਨਬੀ ਦਾ ਅਪਮਾਨ ਨਹੀਂ ਸਹੇਗਾ ਮੁਸਲਮਾਨ। ਇਸ ਮੌਕੇ ਪ੍ਰਧਾਨ ਅਤੇ ਮੌਲਵੀ ਵਲੋਂ ਸੰਬੋਧਨ ਕਰਦਿਆਂ ਕਿਹਾ ਭਗਵਾਂ ਬਿ੍ਗੇਡ ਵਲੋਂ ਮੁਸਲਮਾਨਾਂ ਨੂੰ ਮੁਸਲਮਾਨਾਂ ਖਿਲਾਫ਼ ਭੜਕਾਉਣ ਦੀ ਕੋਝੀ ਸਾਜਿਸ਼ ਹੈ, ਕੋਈ ਵੀ ਮੁਸਲਮਾਨ ਆਪਣੇ ਪਿਆਰੇ ਨਬੀ ਦਾ ਕਿਸੇ ਕੀਮਤ ਤੇ ਵੀ ਅਪਮਾਨ ਸਹਿਣ ਨਹੀਂ ਕਰੇਗਾ, ਉਹ ਕਿਸੇ ਕੁਰਬਾਨੀ ਤੋਂ ਵੀ ਪਿੱਛੇ ਨਹੀਂ ਹੱਟਣਗੇ । ਇਸ ਮੌਕੇ ਕਮਰੂਦੀਨ, ਅਬਦੁਲ ਹਕੀਮ ਅਨਸਾਰੀ, ਨਿਸ਼ਾਨ ਸਾਬਰੀ ਅਤੇ ਹੋਰ ਨਮਾਜ਼ੀ ਹਾਜ਼ਰ ਸਨ ।
