ਪਰਮਾਤਮਾ ਦੀ ਪ੍ਰਾਪਤੀ ਨਾਮ ਜਪਣ ਨਾਲ ਹੀ ਹੁੰਦੀ ਹੈ - ਸੰਤ ਢੱਕੀ ਵਾਲੇ

ਅ

ਅਜੀਤ ਡੈਸਕ 10-09-2026

ਮਲੌਦ, 9 ਸਤੰਬਰ (ਦਿਲਬਾਗ ਸਿੰਘ ਚਾਪੜਾ)- ਪੁਰਾਤਨ ਰਿਸੀਆ ਮੁਨੀਆਂ ਦੀ ਯਾਦ ਨੂੰ ਤਾਜਾ ਕਰਵਾਉਣ ਵਾਲੇ ਗੁਰਦੁਆਰਾ ਤਪੋਬਣ ਢੱਕੀ ਸਾਹਿਬ ਮਕਸੂਦੜਾ ਦੇ ਮੁਖੀ ਸੰਤ ਬਾਬਾ ਦਰਸ਼ਨ ਸਿੰਘ ਖਾਲਸਾ ਨੇ ਸੰਗਤਾਂ ਨੂੰ ਮੁਖਾਤਿਬ ਹੁੰਦਿਆ ਕਿਹਾ ਕਿ ਢੱਕੀ ਸਾਹਿਬ ਵਿੱਚ ਪੁਰਾਤਨ ਵਿਰਸੇ ਦੀ ਸਾਂਭ ਸੰਭਾਲ ਦੇ ਨਾਲ ਨਾਲ ਪ੍ਰਮਾਤਮਾ ਦੀ ਪ੍ਰਾਪਤੀ ਲਈ ਉਸ ਦੀ ਸਾਜੀ ਹੋਈ ਸ੍ਰਿਸਟੀ ਨੂੰ ਪ੍ਰੇਮ ਕਰਨ ਦਾ ਹੀ ਸੁਨੇਹਾ ਦਿਤਾ ਜਾਂਦਾ ਹੈ। ਇਨਸਾਨ ਭਾਵੇ ਹਿੰਦੂ, ਸਿੱਖ, ਬੋਧੀ ਜਾਂ ਮੁਸਲਮਾਨ ਕਿਸੇ ਵੀ ਧਰਮ ਨਾਲ ਸਬੰਧ ਰੱਖਦਾ ਹੋਵੇ। ਜਿਸ ਨੇ ਵੀ ਪ੍ਰਮਾਤਮਾ ਨੂੰ ਪਾਇਆਂ ਹੈ ਉਸ ਨੂੰ ਆਪਣੇ ਕਾਰ ਵਿਹਾਰ ਕਰਦਿਆ ਹਰਪਲ ਪ੍ਰਮਾਤਮਾ ਦੀ ਯਾਦ ਵਿਚ ਗੁਜਾਰਨਾ ਪੈਂਦਾ ਹੈ। ਇਹੋਂ ਮਨੁੱਖਾ ਜਨਮ ਦਾ ਅਸਲ ਪ੍ਰਯੋਜਨ ਹੈ। ਜਿਕਰਯੋਗ ਹੈ ਕਿ ਪਿਛਲੇ 40 ਸਾਲ ਤੋਂ ਸੰਤ ਖਾਲਸਾ ਨੇ ਇਸ ਪੁਰਾਤਨ ਜੰਗਲ ਵਿੱਚੋਂ ਸਾਰੇ ਧਰਮਾ ਦਾ ਸਤਿਕਾਰ ਕਰਨ ਦਾ ਸੰਦੇਸ ਦਿੰਦਿਆ ਆਪੋ ਆਪਣੇ ਧਰਮ ਵਿੱਚ ਪਰਪੱਕ ਹੋਣ ਦੀ ਜਾਂਚ ਸਿਖਾਈ ਹੈ। ਰੋਜਾਨਾ ਅੰਮ੍ਰਿਤ ਵੇਲੇ 2 ਵਜੇ ਤੋਂ ਸਿਮਰਨ ਸਾਧਨਾ ਸਮਾਗਮ ਚੱਲ ਰਹੇ ਹਨ। ਜਿਸ ਵਿੱਚ ਨਾਮ ਕੀ ਹੈ। ਕਿਵੇ ਜਪਿਆਂ ਜਾਂਦਾ ਹੈ। ਨਾਮ ਅਤੇ ਨਾਮੀ ਕਿਵੇ ਬ੍ਰਿਛ ਅਤੇ ਬੀਜ ਵਾਂਗ, ਜਲ ਅਤੇ ਤਰੰਗ ਵਾਂਗ ਵੱਖਰੇ ਹੋ ਕੇ ਵੀ ਇਕ ਹਨ ਆਦਿ ਵਿਸਿਆ ਤੇ ਸੰਤ ਖਾਲਸਾ ਜੀ ਵੱਲੋਂ ਕਮਾਏ ਹੋਏ ਅਨੁਭਵੀ ਪ੍ਰਵਚਨਾ ਦੀ ਸਾਂਝ ਪਾਈ ਜਾਂਦੀ ਹੈ । ਭਾਈ ਗੁਰਦੀਪ ਸਿੰਘ ਅਤੇ ਭਾਈ ਕੁਲਵੰਤ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿਇਥੇ ਵੱਡੀ ਗਿਣਤੀ ਵਿੱਚ ਜੰਗਲੀ ਜੀਵਾਂ ਅਤੇ ਪੰਛੀਆਂ ਨੂੰ ਇਕੱਠੇ ਦਾਣਾ ਪਾਣੀ ਖਾਂਦੇ ਵੇਖਿਆ ਜਾ ਸਕਦਾ ਹੈ । ਸਰਬੱਤ ਦੇ ਭਲੇ ਲਈ ਅਖੰਡ ਜਾਪ ਅਤੇ ਵਿਸਵ ਸਾਂਤੀ ਸਾਲਾਨਾ ਸਮਾਗਮ ਤੋਂ ਇਲਾਵਾ ਵਾਤਾਵਰਣ ਦੀ ਸਾਂਭ ਸੰਭਾਲ ਲਈ ਵੱਧ ਤੋਂ ਵੱਧ ਦਰੱਖਤ ਲਾਉਣੇ ਅਤੇ ਉਹਨਾਂ ਦੀ ਸਾਂਭ ਸੰਭਾਲ ਲਈ ਸੰਗਤਾਂ ਨੂੰ ਪ੍ਰੇਰਤ ਕੀਤਾ ਜਾਂਦਾ ਹੈ।

ਪਿਛਲੀ ਖ਼ਬਰ ਸੁਖਵਿੰਦਰ ਸੁੱਖੀ ਜਲਦੀ ਲੈ ਕੇ ਆ ਰਿਹਾ ਗੀਤ ‘ਸੱਜਣ ਚੰਨ ਵਰਗਾ’ ਅਗਲੀ ਖ਼ਬਰ ਯਾਦੂ ਨੇ ਆਮ ਆਦਮੀ ਪਾਰਟੀ ਨਾਲ ਸਬੰਧਿਤ ਨੌਜਵਾਨ ਪੁਨੀਤ ਕੁਮਾਰ ਨੂੰ ਕੀਤਾ ਸ਼੍ਰੋਮਣੀ ਅਕਾਲੀ ਦਲ ਵਿਚ ਸ਼ਾਮਿਲ

ਪਰਮਾਤਮਾ ਦੀ ਪ੍ਰਾਪਤੀ ਨਾਮ ਜਪਣ ਨਾਲ ਹੀ ਹੁੰਦੀ ਹੈ - ਸੰਤ ਢੱਕੀ ਵਾਲੇ

ਸੰਬੰਧਿਤ ਖ਼ਬਰਾਂ