ਬਰਨਾਲਾ, 4 ਫਰਵਰੀ (ਨਰਿੰਦਰ ਅਰੋੜਾ)-ਕਿਰਤ ਵਿਭਾਗ ਪੰਜਾਬ ਵਲੋਂ ਆਈ.ਐਮ.ਏ. ਬਰਨਾਲਾ ਦੇ ਸਹਿਯੋਗ ਨਾਲ ਜਾਗਰੂਕਤਾ ਸੈਮੀਨਾਰ ਕਰਵਾਇਆ ਗਿਆ | ਜਾਣਕਾਰੀ ਦਿੰਦਿਆਂ ਆਈ.ਐਮ.ਏ. ਬਰਨਾਲਾ ਦੇ ਪ੍ਰਧਾਨ ਡਾ: ਨਵਦੀਪ ਸਿੰਘ ਨੇ ਦੱਸਿਆ ਕਿ ਇਸ ਸੈਮੀਨਾਰ ਵਿਚ ਓ.ਐਸ.ਐਚ. ਕੋਡ 2020 ਬਾਰੇ ਜਾਣੂ ਕਰਵਾਇਆ ਗਿਆ | ਇਸ ਮੌਕੇ ਮੱੁਖ ਤੌਰ 'ਤੇ ਡਿਪਟੀ ਡਾਇਰੈਕਟਰ ਆਫ਼ ਫੈਕਟਰੀਜ ਇੰਜੀ: ਸਾਹਿਲ ਗੋਇਲ, ਇੰਜ: ਵਿਸਾਲ ਸਿੰਗਲਾ ਵਲੋਂ ਇਸ ਐਕਟ ਦੇ ਡਰਾਫ਼ਟ ਨਿਯਮਾਂ ਵਾਸਤੇ ਇਤਰਾਜ਼ ਅਤੇ ਸੁਝਾਅ ਮੰਗੇ | ਉਨ੍ਹਾਂ ਦੱਸਿਆ ਕਿ ਇਹ ਕੋਡ ਜਲਦੀ ਲਾਗੂ ਹੋਣ ਜਾ ਰਿਹਾ ਹੈ | ਇਸ ਕੋਡ ਤਹਿਤ ਜਿੱਥੇ 10 ਤੋਂ ਵੱਧ ਮਜ਼ਦੂਰ ਜਾਂ ਵਰਕਰ ਕੰਮ ਕਰਦੇ ਹਨ, ਦੀ ਰਜਿਸਟਰੇਸ਼ਨ ਕਰਵਾਉਣਾ ਬਹੁਤ ਜ਼ਰੂਰੀ ਅਤੇ ਹੋਰ ਵੀ ਜਾਣਕਾਰੀਆਂ ਦਿੱਤੀਆਂ | ਹਾਜ਼ਰ ਡਾਕਟਰਾਂ ਵਲੋਂ ਵੀ ਵਿਚਾਰ ਪੇਸ਼ ਕਰਦੇ ਹੋਏ ਇਸ ਐਕਟ ਸਬੰਧੀ ਵਿਸਥਾਰ ਪੂਰਵਕ ਜਾਣਕਾਰੀ ਹਾਸਲ ਕਰਦੇ ਹੋਏ ਪ੍ਰਸ਼ਨ ਵੀ ਪੱੁਛੇ | ਇਸ ਮੌਕੇ ਡਾ: ਰੁਪੇਸ਼ ਸਿੰਗਲਾ, ਡਾ: ਰਮਨਦੀਪ ਸਿੰਘ, ਡਾ: ਪ੍ਰਦੀਪ ਸ਼ਰਮਾ, ਡਾ: ਸਤਿੰਦਰ ਸੰਧੂ, ਡਾ: ਪ੍ਰਵੀਨ ਸਿੰਗਲਾ, ਡਾ: ਰਜਿੰਦਰ ਸਿੰਗਲਾ, ਡਾ: ਰੋਹਿਤ ਬਾਂਸਲ, ਡਾ: ਸੀਤਲ ਕੁਮਾਰ, ਡਾ: ਕੇ.ਕੇ. ਗੋਇਲ, ਡਾ: ਕੇ.ਜੀ. ਸਿੰਗਲਾ, ਡਾ: ਸਾਲੂ ਗਰਗ, ਡਾ: ਵਿਜੇ ਸੂਦ, ਡਾ: ਅਵਤਾਰ ਸਿੰਘ ਆਦਿ ਹਾਜ਼ਰ ਸਨ |
