ਟੱਲੇਵਾਲ, 25 ਫਰਵਰੀ (ਸੋਨੀ ਚੀਮਾ)-ਪਿੰਡ ਚੀਮਾ ਦੇ ਸੇਵਾ ਮੁਕਤ ਅਧਿਆਪਕ ਬਲਦੇਵ ਸਿੰਘ ਚੀਮਾ ਮਹਿਰਾਜ ਕੇ ਦੀ ਬੇਟੀ ਸਿਮਰਨਜੀਤ ਕੌਰ ਵਾਸੀ ਕੈਨੇਡਾ ਨੇ ਸਰਕਾਰੀ ਪ੍ਰਾਇਮਰੀ ਸਕੂਲ ਚੀਮਾ ਵਿਖੇ ਐਜੂਕੇਸ਼ਨ ਪਾਰਕ ਬਣਾਉਣ ਲਈ 65 ਹਜ਼ਾਰ ਰੁਪਏ ਦੀ ਨਕਦ ਰਾਸ਼ੀ ਭੇਟ ਕੀਤੀ | ਸਕੂਲ ਅਧਿਆਪਕ ਪ੍ਰਭਜੋਤ ਸਿੰਘ ਨੇ ਰਾਸ਼ੀ ਦੇਣ ਲਈ ਸਿਮਰਨਜੀਤ ਕੌਰ ਤੇ ਸਮੂਹ ਪਰਿਵਾਰ ਦਾ ਧੰਨਵਾਦ ਕੀਤਾ | ਉਨ੍ਹਾਂ ਦੱਸਿਆ ਕਿ ਇਸ ਪਰਿਵਾਰ ਵਲੋਂ ਪਹਿਲਾਂ ਵੀ ਬੱਚਿਆਂ ਦੇ ਬੈਠਣ ਲਈ ਬੈਂਚਾ ਲਈ ਰਾਸ਼ੀ ਭੇਟ ਕੀਤੀ ਗਈ ਸੀ ਤੇ ਬੱਚਿਆਂ ਨੂੰ ਸਟੇਸ਼ਨਰੀ ਵੀ ਵੰਡੀ ਜਾਂਦੀ ਰਹੀ ਹੈ | ਇਸ ਸਮੇਂ ਸਿਮਰਨਜੀਤ ਕੌਰ ਦੇ ਪਤੀ ਸੁਖਦੀਪ ਸਿੰਘ ਕੈਨੇਡਾ, ਪੁੱਤਰ ਅੰਮਿ੍ਤ ਸਿੰਘ ਕੈਨੇਡਾ, ਪਿਤਾ ਮਾਸਟਰ ਬਲਦੇਵ ਸਿੰਘ ਚੀਮਾ, ਮਾਤਾ ਜੋਗਿੰਦਰ ਕੌਰ, ਰਿਟਾ: ਹੈੱਡਮਾਸਟਰ ਲਛਮਣ ਸਿੰਘ ਚੀਮਾ, ਜਸਵਿੰਦਰ ਸਿੰਘ ਸੋਨੀ ਚੀਮਾ, ਅਵਤਾਰ ਸਿੰਘ ਚੀਮਾ, ਬਲਵੀਰ ਸਿੰਘ ਧਾਲੀਵਾਲ, ਗੌਰਵ ਕੁਮਾਰ ਚੁਘ, ਮੈਡਮ ਸੁਰਿੰਦਰ ਕੌਰ ਅਤੇ ਮੈਡਮ ਹਰਜੀਤ ਕੌਰ ਵੀ ਹਾਜ਼ਰ ਸਨ |
