ਬਰਨਾਲਾ, 14 ਅਪ੍ਰੈਲ (ਰਾਜ ਪਨੇਸਰ)-ਸਥਾਨਕ ਗਰੀਨ ਐਵਿਨਿਊ ਕਾਲੋਨੀ ਦੀ ਇਕ ਕੋਠੀ 'ਚੋਂ 12 ਲੱਖ ਰੁਪਏ ਸੋਨੇ ਦੇ ਗਹਿਣੇ ਚੋਰੀ ਕਰਨ ਵਾਲੀ ਅÏਰਤ ਖ਼ਿਲਾਫ਼ ਥਾਣਾ ਸਿਟੀ-2 ਬਰਨਾਲਾ ਵਿਖੇ ਮਾਮਲਾ ਦਰਜ ਕੀਤਾ ਗਿਆ ਹੈ | ਜਾਣਕਾਰੀ ਦਿੰਦਿਆਂ ਥਾਣੇਦਾਰ ਰਮਨਦੀਪ ਸਿੰਘ ਨੇ ਦੱਸਿਆ ਕਿ ਗਰੀਨ ਐਵਿਨਿਊ ਕਾਲੋਨੀ ਨਾਨਕਸਰ ਰੋਡ, ਕੋਠੀ ਨੰਬਰ 105 ਦੇ ਮਾਲਕ ਗੋਪਾਲ ਕਿ੍ਸ਼ਨ ਬਾਂਸਲ ਪੁੱਤਰ ਪ੍ਰੇਮ ਚੰਦ ਬਾਂਸਲ ਨੇ ਪੁਲਿਸ ਕੋਲ ਬਿਆਨ ਲਿਖਵਾਏ ਕਿ ਉਸ ਦੀ ਕੋਠੀ 'ਚੋਂ ਕੁਲਵਿੰਦਰ ਕੌਰ ਪਤਨੀ ਦਵਿੰਦਰ ਪਾਲ ਸਿੰਘ ਵਾਸੀ ਗਰਚਾ ਰੋਡ ਬਰਨਾਲਾ ਨੇ ਇਕ ਸੋਨੇ ਦੀ 25 ਗ੍ਰਾਮ ਦੀ ਚੈਨੀ, ਇਕ ਸੋਨੇ ਦਾ ਕੜਾ ਵਜ਼ਨ 70 ਗ੍ਰਾਮ ਚੋਰੀ ਕਰ ਲਏ ਹਨ | ਪੁਲਿਸ ਕਾਰਵਾਈ ਅਨੁਸਾਰ ਮੁੱਦਈ ਦੇ ਬਿਆਨਾਂ ਦੇ ਆਧਾਰ 'ਤੇ ਉਕਤ ਅÏਰਤ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
