ਸ਼ਹਿਣਾ, 26 ਅਪ੍ਰੈਲ (ਸੁਰੇਸ਼ ਗੋਗੀ)-ਪਿੰਡ ਸ਼ਹਿਣਾ ਦੇ ਸਰਾਂ ਪਰਿਵਾਰ ਵਲੋਂ ਛੋਟੇ ਬੇਟੇ ਪਰਵਾਨਿੱਧ ਸਿੰਘ ਸਰਾਂ ਦੇ ਦੂਜੇ ਜਨਮ ਦਿਨ ਮੌਕੇ ਸਰਕਾਰੀ ਪ੍ਰਾਇਮਰੀ ਸਕੂਲ ਲੜਕੀਆਂ ਵਿਖੇ ਸਟੇਸ਼ਨਰੀ ਦਾ ਸਮਾਨ ਵੰਡਿਆ ਗਿਆ | ਸਕੂਲ ਮੁਖੀ ਜਸਵੀਰ ਸਿੰਘ ਨੇ ਦੱਸਿਆ ਕਿ ਸਰਾਂ ਪਰਿਵਾਰ ਦੇ ਨੌਜਵਾਨ ਆਗੂ ਗੁਨਿੰਦਰ ਸਿੰਘ ਗਿੰਨੀ ਸਰਾਂ ਲਗਾਤਾਰ ਪਿਛਲੇ 5 ਸਾਲਾਂ ਤੋਂ ਆਪਣੇ ਵੱਡੇ ਬੇਟੇ ਗੁਰਅੰਗਦ ਸਿੰਘ ਇਸੇ ਤਰ੍ਹਾਂ ਮਨਾਉਂਦਾ ਆ ਰਿਹਾ ਹੈ ਅਤੇ ਬੱਚਿਆਂ ਨੂੰ ਲੋੜੀਂਦਾ ਸਮਾਨ ਪੜਾਈ ਸਬੰਧੀ ਵੰਡਦੇ ਹਨ | ਉਨ੍ਹਾਂ ਦੱਸਿਆ ਕਿ ਜਿਸ ਤਰ੍ਹਾਂ ਅਧਿਆਪਕਾਂ ਦੀ ਮੰਗ ਹੁੰਦੀ ਹੈ, ਸਰਾਂ ਪਰਿਵਾਰ ਵਲੋਂ ਅਜਿਹਾ ਹੀ ਸਮਾਨ ਸਕੂਲ ਦੀਆਂ ਵਿਦਿਆਰਥਣਾਂ ਲੲਾੀ ਦਿੱਤਾ ਜਾਂਦਾ ਹੈ | ਇਸ ਸਮੇਂ ਸਕੂਲ ਵਿਚ ਹੀ ਕੇਕ ਕੱਟ ਕੇ ਸਕੂਲੀ ਵਿਦਿਆਰਥਣਾਂ ਨੂੰ ਖਾਣ ਪੀਣ ਦਾ ਸਮਾਨ ਵੀ ਵੰਡਿਆ ਗਿਆ | ਇਸ ਮੌਕੇ ਤਰਕਸ਼ੀਲ ਆਗੂ ਗੁਰਪ੍ਰੀਤ ਸਿੰਘ ਤੋਂ ਇਲਾਵਾ ਸਮੂਹ ਸਟਾਫ਼ ਵੀ ਹਾਜ਼ਰ ਸੀ |
