ਸੁਨਾਮ ਊਧਮ ਸਿੰਘ ਵਾਲਾ, 27 ਅਪ੍ਰੈਲ (ਭੁੱਲਰ, ਧਾਲੀਵਾਲ)-ਐਡਵੋਕੇਟ ਪਰਮਿੰਦਰ ਕੌਰ ਮੰਡੇਰ ਵੱਲੋਂ ਲੜੇ ਗਏ ਇੱਕ ਮਹੱਤਵਪੂਰਨ ਕੇਸ ਵਿੱਚ ਮਾਨਯੋਗ ਸਿਵਲ ਅਦਾਲਤ ਸੁਨਾਮ ਨੇ ਗਗਨਦੀਪ ਸਿੰਘ ਉਰਫ਼ ਪੋਸਤੀ ਨੂੰ 100 ਲੀਟਰ ਲਾਹਣ ਮਾਮਲੇ ਵਿਚੋਂ ਬਾਇੱਜ਼ਤ ਬਰੀ ਕਰਨ ਦੇ ਹੁਕਮ ਜਾਰੀ ਕੀਤੇ ਹਨ | ਮਾਨਯੋਗ ਜੱਜ ਅਨੰਤਦੀਪ ਸਿੰਘ ਨੇ ਅੱਜ ਦੋਹਾਂ ਪੱਖਾਂ ਦੀ ਬਹਿਸ ਸੁਣਨ ਤੋਂ ਬਾਅਦ ਫੈਸਲਾ ਸੁਣਾਉਂਦੇ ਹੋਏ ਨੌਜਵਾਨ ਅਤੇ ਕਾਬਿਲ ਵਕੀਲ ਐਡਵੋਕੇਟ ਪਰਮਿੰਦਰ ਕੌਰ ਮੰਡੇਰ ਦੀਆਂ ਦਲੀਲਾਂ ਨਾਲ ਸਹਿਮਤੀ ਜਤਾਈ | ਅਦਾਲਤ ਨੇ ਮੰਨਿਆ ਕਿ ਪੇਸ਼ ਕੀਤੇ ਗਏ ਸਬੂਤ ਦੋਸ਼ ਸਾਬਤ ਕਰਨ ਲਈ ਪ੍ਰਯਾਪਤ ਨਹੀਂ ਹਨ, ਜਿਸ ਦੇ ਆਧਾਰ 'ਤੇ ਦੋਸ਼ੀ ਨੂੰ ਬਰੀ ਕੀਤਾ ਗਿਆ | ਜ਼ਿਕਰਯੋਗ ਹੈ ਕਿ ਚੀਮਾ ਥਾਣਾ ਪੁਲਿਸ ਵੱਲੋਂ ਸਾਲ 2023 ਵਿੱਚ ਐਕਸਾਇਜ ਐਕਟ 61/1/14 ਅਧੀਨ ਐਫ.ਆਈ.ਆਰ. ਨੰਬਰ 37 ਦਰਜ ਕਰਕੇ ਇਹ ਕੇਸ ਬਣਾਇਆ ਗਿਆ ਸੀ | ਹੁਣ ਅਦਾਲਤੀ ਫ਼ੈਸਲੇ ਨਾਲ ਗਗਨਦੀਪ ਸਿੰਘ ਨੂੰ ਇਸ ਮਾਮਲੇ ਵਿੱਚ ਵੱਡੀ ਰਾਹਤ ਮਿਲੀ ਹੈ |
