ਤਪਾ ਮੰਡੀ, 4 ਮਈ (ਪ੍ਰਵੀਨ ਗਰਗ)-ਪੱਛਮੀ ਬੰਗਾਲ, ਆਸਾਮ, ਪੁਡੂਚੇਰੀ ਵਿਚ ਭਾਜਪਾ ਦੀ ਹੋਈ ਸ਼ਾਨਦਾਰ ਜਿੱਤ ਉਪਰੰਤ ਭਾਜਪਾ ਤਪਾ ਟੀਮ ਵਲੋਂ ਪਟਾਕੇ ਚਲਾ ਕੇ ਲੱਡੂ ਵੰਡੇ ਅਤੇ ਆਪਣੀ ਖ਼ੁਸ਼ੀ ਦਾ ਇਜ਼ਹਾਰ ਕੀਤਾ | ਜਿਸ ਵਿਚ ਭਾਜਪਾ ਤਪਾ ਟੀਮ ਦੇ ਸਾਰੇ ਵਰਕਰ, ਅਹੁਦੇਦਾਰਾਂ ਨੇ ਇਕੱਠੇ ਹੋ ਕੇ ਭਾਜਪਾ ਜ਼ਿੰਦਾਬਾਦ ਦੇ ਨਾਅਰੇ ਲਗਾਏ | ਇਸ ਮੌਕੇ ਮੰਡਲ ਪ੍ਰਧਾਨ ਅਸ਼ਵਨੀ ਬਹਾਵਲਪੁਰੀਆ ਅਤੇ ਜ਼ਿਲ੍ਹਾ ਜਰਨਲ ਸਕੱਤਰ ਸੋਮ ਨਾਥ ਸ਼ਰਮਾ ਨੇ ਪੱਤਰਕਾਰਾਂ ਦੇ ਰੂਬਰੂ ਹੁੰਦਿਆਂ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਵਿਚ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਉਮੀਦ ਪੂਰੀ ਹੋਈ ਹੈ | ਇਹ ਸਿਰਫ਼ ਬੰਗਾਲ ਦੀ ਜਿੱਤ ਨਹੀਂ ਬਲਕਿ ਪੂਰੇ ਭਾਰਤ ਦੀ ਜਿੱਤ ਹੈ | ਹੁਣ ਆਉਣ ਵਾਲੀਆਂ 2027 ਦੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਪੰਜਾਬ ਵਿਚ ਵੀ ਭਾਜਪਾ ਦੀ ਸਰਕਾਰ ਬਣੇਗੀ | ਇਸ ਮੌਕੇ ਹਰੀਸ਼ ਮਿੱਤਲ ਗੋਸ਼ਾ ਜ਼ਿਲ੍ਹਾ ਪ੍ਰਧਾਨ ਆਰ.ਟੀ.ਆਈ. ਸੈੱਲ, ਪ੍ਰਦੀਪ ਕੁਮਾਰ ਤੀਲੀ ਜ਼ਿਲ੍ਹਾ ਵਪਾਰ ਮੰਡਲ ਪ੍ਰਧਾਨ, ਕਰਨ ਮਿੱਤਲ ਜ਼ਿਲ੍ਹਾ ਜਨਰਲ ਸਕੱਤਰ, ਗੋਲਡੀ, ਪ੍ਰੇਟੀ ਭਾਰਤੀ, ਨੀਤੂ, ਵਿਜੈ ਅਗਰਵਾਲ, ਪ੍ਰਵੀਨ ਮਹਿਤਾ, ਵਿਨੋਦ ਬਾਂਸਲ, ਪੰਕਜ, ਵਨੀਤ, ਰਮੇਸ਼ ਪੱਖੋ, ਰਕੇਸ਼ ਘੋਗਾ ਆਦਿ ਮੌਜੂਦ ਸਨ |
