ਪਿੰਡ ਉੱਗੋਕੇ ਦੇ ਸਮਾਜ ਸੇਵੀ ਨੌਜਵਾਨਾਂ ਨੇ ਲੋੜਵੰਦ ਪਰਿਵਾਰ ਦੀ ਲੜਕੀ ਦਾ ਕੀਤਾ ਵਿਆਹ
ਸ਼ਹਿਣਾ, 19 ਅਗਸਤ (ਸੁਰੇਸ਼ ਗੋਗੀ)-ਪਿੰਡ ਉੱਗੋਕੇ ਨਾਲ ਸਬੰਧਿਤ ਲਛਮਣ ਸਿੰਘ ਲੱਛੂ ਤੇ ਲਵਪ੍ਰੀਤ ਸਿੰਘ 379 ਬ੍ਰਾਂਡ ਵਾਲਿਆਂ ਨੇ ਲੋੜਵੰਦ ਪਰਿਵਾਰ ਦੀ ਲੜਕੀ ਦਾ ਵਿਆਹ ਪਿੰਡ ਦੇ ਗੁਰਦੁਆਰਾ ਸਾਹਿਬ ਵਿਖੇ ਕੀਤਾ। ਨੌਜਵਾਨ ਆਗੂਆਂ ਨੇ ਦੱਸਿਆ ਕਿ ਪਿੰਡ ਕੈਰੇ ਨਾਲ ਸਬੰਧਿਤ ਪਿੰਕੀ ਰਾਣੀ ਜਿਸ ਦੇ ਪਿਤਾ ਜਗਸੀਰ ਸਿੰਘ ਨੂੰ ਕਿ ਕੈਂਸਰ ਦੀ ਬਿਮਾਰੀ ਸੀ ਅਤੇ ਤਿੰਨ ਵਾਰ ਇਲਾਜ ਕਰਵਾਉਣ ਦੇ ਬਾਵਜੂਦ ਵੀ ਉਸ ਦੀ ਮੌਤ ਹੋ ਗਈ।
ਸ਼ਹਿਣਾ, 19 ਅਗਸਤ (ਸੁਰੇਸ਼ ਗੋਗੀ)-ਪਿੰਡ ਉੱਗੋਕੇ ਨਾਲ ਸਬੰਧਿਤ ਲਛਮਣ ਸਿੰਘ ਲੱਛੂ ਤੇ ਲਵਪ੍ਰੀਤ ਸਿੰਘ 379 ਬ੍ਰਾਂਡ ਵਾਲਿਆਂ ਨੇ ਲੋੜਵੰਦ ਪਰਿਵਾਰ ਦੀ ਲੜਕੀ ਦਾ ਵਿਆਹ ਪਿੰਡ ਦੇ ਗੁਰਦੁਆਰਾ ਸਾਹਿਬ ਵਿਖੇ ਕੀਤਾ। ਨੌਜਵਾਨ ਆਗੂਆਂ ਨੇ ਦੱਸਿਆ ਕਿ ਪਿੰਡ ਕੈਰੇ ਨਾਲ ਸਬੰਧਿਤ ਪਿੰਕੀ ਰਾਣੀ ਜਿਸ ਦੇ ਪਿਤਾ ਜਗਸੀਰ ਸਿੰਘ ਨੂੰ ਕਿ ਕੈਂਸਰ ਦੀ ਬਿਮਾਰੀ ਸੀ ਅਤੇ ਤਿੰਨ ਵਾਰ ਇਲਾਜ ਕਰਵਾਉਣ ਦੇ ਬਾਵਜੂਦ ਵੀ ਉਸ ਦੀ ਮੌਤ ਹੋ ਗਈ। ਉਕਤ ਲੋੜਵੰਦ ਲੜਕੀ ਦਾ ਵਿਆਹ ਤਖ਼ਤੂਪੁਰਾ ਦੇ ਲਵਪ੍ਰੀਤ ਸਿੰਘ ਨਾਲ ਗੁਰਮਰਿਆਦਾ ਨਾਲ ਕੀਤਾ ਗਿਆ। ਲੜਕੀ ਨੂੰ ਜਿੱਥੇ ਲੋੜੀਂਦਾ ਸਮਾਨ ਦਿੱਤਾ ਗਿਆ, ੳੁੱਥੇ ਬਰਾਤ ਦੀ ਆਓ ਭਗਤ ਦਾ ਪ੍ਰਬੰਧ ਵੀ ਕੀਤਾ ਗਿਆ। ਇਸ ਮੌਕੇ ਸਰਪੰਚ ਰਾਮ ਸਿੰਘ ਦਿਉਲ ਤੋਂ ਇਲਾਵਾ ਸਮੁੱਚੀ ਪੰਚਾਇਤ ਵੀ ਹਾਜਰ ਸੀ।
