ਬਰਨਾਲਾ

ਪੁਲਿਸ ਤੋਂ ਬੇਖੌਫ਼ ਚੋਰਾਂ ਨੇ ਗੈਸ ਏਜੰਸੀ ’ਤੇ ਬੋਲਿਆ ਧਾਵਾ

ਅ

ਅਜੀਤ ਡੈਸਕ 04-09-2026

ਤਪਾ ਮੰਡੀ, 3 ਸਤੰਬਰ (ਪ੍ਰਵੀਨ ਗਰਗ)-ਇਲਾਕੇ ਅੰਦਰ ਚੋਰਾਂ ਦੀ ਦਹਿਸ਼ਤ ਦਿਨ ਬ ਦਿਨ ਵਧਦੀ ਜਾ ਰਹੀ ਹੈ, ਜਿਸ ਕਾਰਨ ਸ਼ਹਿਰ ਵਾਸੀ ਸਹਿਮ ਦੇ ਮਾਹੌਲ ਵਿਚ ਦਿਖਾਈ ਦੇ ਰਹੇ ਹਨ। ਪੁਲਿਸ ਤੋਂ ਬੇਖੌਫ ਇਨ੍ਹਾਂ ਚੋਰਾਂ ਨੇ ਬੀਤੀ ਰਾਤ ਢਿਲਵਾਂ ਰੋਡ ’ਤੇ ਸਥਿਤ ਇਕ ਗੈਸ ਏਜੰਸੀ ’ਤੇ ਧਾਵਾ ਬੋਲ ਦਿੱਤਾ, ਜਿੱਥੋਂ ਚੋਰ ਹਜ਼ਾਰਾਂ ਰੁਪਏ ਦੀ ਨਕਦੀ, ਚਾਂਦੀ ਦੇ ਸਿੱਕਿਆ ਤੋਂ ਇਲਾਵਾ ਹੋਰ ਸਾਮਾਨ ਚੋਰੀ ਕਰ ਕੇ ਲੈ ਗਏ। ਜਿਸ ਸੰਬੰਧੀ ਏਜੰਸੀ ਮਾਲਕ ਨੂੰ ਸਵੇਰ ਸਮੇਂ ਪਤਾ ਲੱਗਾ। ਜਾਣਕਾਰੀ ਦਿੰਦੇ ਹੋਏ ਤਪਾ ਗੈਸ ਏਜੰਸੀ ਦੇ ਮੈਨੇਜਰ ਰੋਹਿਤ ਬਾਂਸਲ ਨੇ ਦੱਸਿਆ ਕਿ ਬੀਤੀ ਰਾਤ ਚੋਰ ਏਜੰਸੀ ਦੇ ਨਾਲ ਲੱਗਦੇ ਪਲਾਟ ਰਾਹੀਂ ਹੁੰਦੇ ਹੋਏ ਅੰਦਰ ਦਾਖਲ ਹੋਏ ਅਤੇ ਦਫਤਰ ਦੀ ਬੈਕ ਸਾਈਡ ਖਿੜਕੀ ‘ਚ ਲੱਗੇ ਸ਼ੀਸ਼ੇ ਦੀ ਭੰਨ ਤੋੜ ਕਰ ਕੇ ਲੋਹੇ ਦੀ ਸੱਬਲ ਨਾਲ ਗਰਿਲ ਨੂੰ ਉਖਾੜ ਕੇ ਖਿੜਕੀ ਰਾਹੀਂ ਦਫਤਰ ਅੰਦਰ ਦਾਖਲ ਹੋਏ । ਜਿੱਥੋਂ ਉਹ ਹਜ਼ਾਰਾਂ ਰੁਪਇਆਂ ਦੀ ਨਕਦੀ, 250 ਗ੍ਰਾਮ ਚਾਂਦੀ ਦੇ ਸਿੱਕੇ, ਦਾਨ ਪਾਤਰ ਵਾਲੇ ਗੱਲਿਆਂ ਦੀ ਭੰਨ ਤੋੜ ਕਰ ਕੇ ਸਿੱਕੇ ਅਤੇ ਰੁਪਏ ਦਫਤਰ ‘ਚ ਲੱਗੇ ਪਰਦੇ ਨੂੰ ਉਤਾਰ ਕੇ ਉਸ ਵਿਚ ਬੰਨ੍ਹ ਕੇ ਲੈ ਗਏ। ਇਸ ਤੋਂ ਇਲਾਵਾ ਚੋਰ ਜਾਂਦੇ ਸਮੇਂ ਸੀ.ਸੀ.ਟੀ.ਵੀ ਕੈਮਰਿਆਂ ਦੀ ਭੰਨਤੋੜ ਕਰ ਕੇ ਡੀ.ਵੀ.ਆਰ ਅਤੇ ਐਲ.ਈ.ਡੀ ਵੀ ਚੋਰੀ ਕਰ ਕੇ ਲੈ ਗਏ । ਉਨ੍ਹਾਂ ਤੁਰੰਤ ਇਸ ਘਟਨਾ ਸੰਬੰਧੀ ਤਪਾ ਸਿਟੀ ਪੁਲਿਸ ਨੂੰ ਸੂਚਨਾ ਦਿੱਤੀ । ਸੂਚਨਾ ਮਿਲਣ ’ਤੇ ਸਿਟੀ ਚੌਕੀ ਇੰਚਾਰਜ ਕੁਲਵੰਤ ਸਿੰਘ ਪੁਲਿਸ ਪਾਰਟੀ ਸਮੇਤ ਮੌਕੇ ’ਤੇ ਪੁੱਜੇ ਅਤੇ ਘਟਨਾ ਦਾ ਜਾਇਜ਼ਾ ਲਿਆ । ਚੋਰੀ ਦੀ ਘਟਨਾ ਸਬੰਧੀ ਪੁੱਛਣ ’ਤੇ ਉਨ੍ਹਾਂ ਕਿਹਾ ਕਿ ਪੁਲਿਸ ਵਲੋਂ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਕੀਤੀ ਜਾ ਰਹੀ ਹੈ ।

ਪਿਛਲੀ ਖ਼ਬਰ ਜ਼ਿਲ੍ਹਾ ਮਲੇਰਕੋਟਲਾ ਦੀ ਸੀਨੀਅਰ ਲੀਡਰਸ਼ਿਪ ਵਲੋਂ ਪੰਥਕ ਕਾਨਫਰੰਸ ਸੰਬੰਧੀ ਅਹਿਮ ਮੀਟਿੰਗ ਮਦਰ ਟੀਚਰ ਇੰਟਰਨੈਸ਼ਨਲ ਸਕੂਲ... ਅਗਲੀ ਖ਼ਬਰ ਜ਼ਿਲ੍ਹਾ ਮਲੇਰਕੋਟਲਾ ਦੀ ਸੀਨੀਅਰ ਲੀਡਰਸ਼ਿਪ ਵਲੋਂ ਪੰਥਕ ਕਾਨਫਰੰਸ ਸੰਬੰਧੀ ਅਹਿਮ ਮੀਟਿੰਗ

ਪੁਲਿਸ ਤੋਂ ਬੇਖੌਫ਼ ਚੋਰਾਂ ਨੇ ਗੈਸ ਏਜੰਸੀ ’ਤੇ ਬੋਲਿਆ ਧਾਵਾ

ਸੰਬੰਧਿਤ ਖ਼ਬਰਾਂ