ਜੇਲ੍ਹ ਭਰੋ ਅੰਦੋਲਨ ਲਈ ਭਾਕਿਯੂ ਸਿੱਧੂਪੁਰ ਦੇ ਕਿਸਾਨਾਂ ਦਾ ਜਥਾ ਰਵਾਨਾ

ਰੂੜੇਕੇ ਕਲਾਂ, 4 ਸਤੰਬਰ (ਗੁਰਪ੍ਰੀਤ ਸਿੰਘ ਕਾਹਨੇਕੇ)-ਭਾਰਤੀ ਕਿਸਾਨ ਯੂਨੀਅਨ ਸਿੱਧੂਪੁਰ ਵਲੋਂ ਕਿਸਾਨਾਂ ਦੀਆਂ ਹੱਕੀ ਮੰਗਾਂ ਲਾਗੂ ਕਰਵਾਉਣ ਲਈ ਫ਼ਰੀਦਕੋਟ ਵਿਖੇ ਚੱਲ ਰਹੇ ਜੇਲ੍ਹ ਭਰੋ ਕਿਸਾਨ ਅੰਦੋਲਨ ਲਈ ਗ੍ਰਿਫ਼ਤਾਰੀਆਂ ਦੇਣ ਲਈ ਭਾਰਤੀ ਕਿਸਾਨ ਯੂਨੀਅਨ ਸਿੱਧੂਪੁਰ ਬਲਾਕ ਬਰਨਾਲਾ ਦੇ ਕਿਸਾਨਾਂ ਦਾ ਇਕ ਵਿਸ਼ੇਸ਼ ਜਥਾ ਕਿਸਾਨ ਆਗੂ ਗੁਰਚਰਨ ਸਿੰਘ ਧੂਰਕੋਟ, ਬਲਾਕ ਪ੍ਰਧਾਨ ਜਗਜੀਤ ਸਿੰਘ ਜੱਗਾ ਪੱਖੋ ਕਲਾਂ, ਮਾਲੀ ਸਿੰਘ, ਮੱਖਣ ਸਿੰਘ ਭੈਣੀ ਜੱਸਾ, ਬੂਟਾ ਸਿੰਘ ਭੈਣੀ ਜੱਸਾ ਆਦਿ ਕਿਸਾਨਾਂ ਦਾ ਜਥਾ ਜੇਲ੍ਹ ਭਰੋ ਅੰਦੋਲਨ ਲਈ ਰਵਾਨਾ ਹੋਇਆ। ਕਿਸਾਨ ਆਗੂ ਗੁਰਚਰਨ ਸਿੰਘ ਧੂਰਕੋਟ ਨੇ ਕਿਹਾ ਕਿ ਕੋਆਪ੍ਰੇਟਿਵ ਬੈਂਕਾਂ ਵਲੋਂ ਕਰਜ਼ਾ ਦੇਣ ਸਮੇਂ ਕਿਸਾਨਾਂ ਤੋਂ ਖ਼ਾਲੀ ਚੈੱਕਾਂ ’ਤੇ ਦਸਤਖ਼ਤ ਕਰਵਾ ਕੇ ਗੈਰ ਕਾਨੂੰਨੀ ਰੱਖ ਲਏ ਜਾਂਦੇ ਹਨ ਜੇਕਰ ਕਿਸਾਨ ਕਿਸ਼ਤਾਂ ਮੋੜਨ ਤੋਂ ਲੇਟ ਜਾਂ ਅਸਮਰਥ ਹੋ ਜਾਣ ਤਾਂ ਕਿਸਾਨਾਂ ਤੋਂ ਲਏ ਚੈੱਕਾਂ ਰਾਹੀਂ ਕਿਸਾਨਾਂ ਖ਼ਿਲਾਫ਼ ਝੂਠੇ ਕੇਸ ਕੀਤੇ ਜਾਂਦੇ ਹਨ।

Ad Position 21