-ਏਸ਼ੀਅਨ ਜੂਡੋ ਚੈਂਪੀਅਨਸ਼ਿਪ- ਗੁਰਦਾਸਪੁਰ ਦੇ ਕਰਨਜੀਤ ਦੀ ਭਾਰਤੀ ਟੀਮ 'ਚ ਹੋਈ ਚੋਣ <br/>

ਜਲੰਧਰ, 13 ਅਪ੍ਰੈਲ (ਡਾ.ਜਤਿੰਦਰ ਸਾਬੀ)-ਏਸ਼ੀਅਨ ਜੂਡੋ ਚੈਪੀਅਨਸ਼ਿਪ 2026 ਜੋ ਚੀਨ ਵਿਖੇ ਕਰਵਾਈ ਜਾ ਰਹੀ ਹੈ, 'ਚ ਹਿੱਸਾ ਲੈਣ ਵਾਲੀ ਭਾਰਤੀ ਜੂਡੋ ਟੀਮ ਦੇ ਵਿਚ ਗੁਰਦਾਸਪੁਰ ਦੇ ਸ਼ਹੀਦ ਭਗਤ ਸਿੰਘ ਜੂਡੋ ਸੈਂਟਰ ਦੇ ਖਿਡਾਰੀ ਕਰਨਜੀਤ ਸਿੰਘ ਮਾਨ ਦੀ ਚੋਣ ਹੋਈ ਹੈ | ਜੂਡੋ ਸੈਂਟਰ ਦੇ ਸੰਚਾਲਕ ਅਮਰਜੀਤ ਸ਼ਾਸ਼ਤਰੀ ਨੇ ਦੱਸਿਆ ਕਿ ਕਰਨਜੀਤ ਨੇ ਗੁਰਦਾਸਪੁਰ ਦੇ ਜੂਡੋ ਸੈਂਟਰ ਦਾ ਨਾਂਅ ਰੋਸ਼ਨ ਕੀਤਾ ਹੈ | ਪੰਜਾਬ ਪੁਲਿਸ ਦਾ ਏ.ਐਸ.ਆਈ. ਪਿੰਡ ਮਾਨ ਚੋਪੜਾ ਦਾ ਰਹਿਣ ਵਾਲਾ ਕਰਨਜੀਤ 90 ਕਿੱਲੋ ਭਾਰ ਵਰਗ 'ਚ ਭਾਰਤੀ ਜੂਡੋ ਟੀਮ ਦਾ ਮੈਂਬਰ ਬਣ ਕੇ 16 ਤੋਂ 20 ਅਪ੍ਰੈਲ ਤੱਕ ਚੈਪੀਅਨਸ਼ਿਪ ਖੇਡੇਗਾ | ਇਸ ਤੋਂ ਬਾਅਦ ਉਹ 1 ਮਈ ਤੋਂ 3 ਮਈ ਤੋਕ ਦੁਸਾਨਲੇ ਗ੍ਰੈਡ ਸਲੈਮ 2026 ਤੇ 8 ਮਈ ਤੋਂ 11 ਮਈ ਤੱਕ ਕਜਾਕਿਸਤਾਨ ਵਿਖੇ ਕਰਵਾਈ ਜਾਣ ਵਾਲੀ ਗ੍ਰੈਂਡ ਸਲੈਮ 'ਚ ਵੀ ਭਾਰਤੀ ਜੂਡੋ ਟੀਮ ਦੀ ਪ੍ਰਤੀਨਿਧਤਾ ਕਰੇਗਾ | ਪੰਜਾਬ ਜੂਡੋ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਕੌਮਾਂਤਰੀ ਜੂਡੋ ਰੈਫਰੀ ਸੁਰਿੰਦਰ ਕੁਮਾਰ ਨੇ ਕਰਨਜੀਤ ਮਾਨ ਦੀ ਇਸ ਚੋਣ ਤੇ ਵਧਾਈ ਦਿੱਤੀ |
ਫੋਟੋ ਕੈਪਸ਼ਨ:-(ਕਰਨਜੀਤ ਮਾਨ ਜੂਡੋ ਜੇਪੀਜੀ)