ਨਵੀਂ ਦਿੱਲੀ, 2 ਅਗਸਤ (ਏਜੰਸੀ)-22ਵੀਂ ਰਾਸ਼ਟਰਮੰਡਲ ਟੇਬਲ ਟੈਨਿਸ ਚੈਂਪੀਅਨਸ਼ਿਪ ’ਚ ਅੰਕੁਰ ਭੱਟਾਚਾਰਜੀ ਨੇ ਪੁਰਸ਼ ਸਿੰਗਲਜ਼ ਖਿਤਾਬ ਜਿੱਤਿਆ ਤੇ ਯਸ਼ਸਵਿਨੀ ਘੋਰਪੜੇ ਨੇ ਮਹਿਲਾ ਸਿੰਗਲਜ਼ ਖਿਤਾਬ ਜਿੱਤਿਆ। ਅੰਕੁਰ ਨੇ ਇਕ ਕਰੀਬੀ ਮੁਕਾਬਲੇ ਵਾਲਾ ਮੈਚ ਜਿੱਤਿਆ, ਪਰ ਯਸ਼ਸਵਿਨੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਖਿਤਾਬ ਆਪਣੇ ਨਾਮ ਕਰ ਲਿਆ। ਪੁਰਸ਼ ਸਿੰਗਲਜ਼ ਫਾਈਨਲ ’ਚ, ਅੰਕੁਰ ਨੇ ਪਾਇਸ ਜੈਨ ਨੂੰ ਇੱਕ ਰੋਮਾਂਚਕ ਮੁਕਾਬਲੇ ’ਚ 4-3 (11-8, 9-11, 7-11, 11-8, 4-11, 11-4, 11-9) ਨਾਲ ਹਰਾਇਆ। ਪਾਇਸ ਨੇ ਫੈਸਲਾਕੁੰਨ ਗੇਮ ਵਿੱਚ 7-4 ਦੀ ਲੀਡ ਲਈ ਤੇ ਜਿੱਤ ਲਈ ਤਿਆਰ ਦਿਖਾਈ ਦਿੱਤਾ, ਪਰ ਅੰਕੁਰ ਨੇ ਸ਼ਾਨਦਾਰ ਵਾਪਸੀ ਕਰਦਿਆਂ ਸਕੋਰ ਨੂੰ 8-8 ‘ਤੇ ਬਰਾਬਰ ਕੀਤਾ ਤੇ ਫਿਰ 10-9 ਦੀ ਲੀਡ ਲੈ ਲਈ। ਅੰਕੁਰ ਨੇ ਫੈਸਲਾਕੁੰਨ ਗੇਮ 11-9 ਨਾਲ ਜਿੱਤ ਕੇ ਖਿਤਾਬ ਆਪਣੇ ਨਾਮ ਕਰ ਲਿਆ। ਮਹਿਲਾ ਸਿੰਗਲਜ਼ ਫਾਈਨਲ ’ਚ, ਯਸ਼ਾਸਵਿਨੀ ਨੇ ਸ੍ਰੀਜਾ ਅਕੁਲਾ ਨੂੰ 4-1 (11-6, 11-1, 8-11, 11-7) ਨਾਲ ਇੱਕ ਪਾਸੜ ਤਰੀਕੇ ਨਾਲ ਹਰਾਇਆ।
