ਮਾਉਂਟ ਐਵਰੈਸਟ 'ਤੇ ਨਵਾਂ ਰਿਕਾਰਡ **3 ਭਾਰਤੀਆਂ ਸਮੇਤ 274 ਲੋਕਾਂ ਨੇ ਕੀਤੀ ਚੜ੍ਹਾਈ

ਅ

ਅਜੀਤ ਡੈਸਕ 22-05-2026

ਕਠਮੰਡੂ, 21 ਮਈ (ਏਜੰਸੀ)- ਨਿਪਾਲ ਵਲੋਂ ਮਾਉਂਟ ਐਵਰੈਸਟ 'ਤੇ ਸਫ਼ਲਤਾ ਨਾਲ ਚੜ੍ਹਾਈ ਕਰਨ ਵਾਲੇ 274 ਲੋਕਾਂ 'ਚ ਤਿੰਨ ਭਾਰਤੀ ਸ਼ਾਮਿਲ ਸਨ, ਜਿਨ੍ਹਾਂ ਨੇ ਇਕ ਦਿਨ 'ਚ ਸਭ ਤੋਂ ਵੱਧ ਚੜ੍ਹਾਈ ਦਾ ਨਵਾਂ ਰਿਕਾਰਡ ਬਣਾਇਆ | ਸਾਰੇ 274 ਪਰਬਤਰੋਹੀ ਬੁੱਧਵਾਰ ਨੂੰ 8848.86 ਮੀਟਰ ਉਚੇ ਸਿਖਰ 'ਤੇ ਪਹੁੰਚ ਗਏ | ਨਿਪਾਲ 'ਚ ਐਕਸਪੇਡੀਸ਼ਨ ਆਪਰੇਟਰਸ ਐਸੋ. ਦੇ ਜਨਰਲ ਸਕੱਤਰ ਰਿਸ਼ੀ ਰਾਮ ਭੰਡਾਰੀ ਨੇ ਦੱਸਿਆ ਕਿ ਇਨ੍ਹਾਂ ਪਰਬਰਰੋਹੀਆਂ 'ਚ 150 ਨਿਪਾਲੀ ਸ਼ੇਰਪਾ ਵੀ ਸ਼ਾਮਿਲ ਸਨ | ਵਿਸ਼ਵ ਰਿਕਾਰਡ ਬਣਾਉਣ ਵਾਲੀ ਟੀਮ 'ਚ ਸ਼ਾਮਿਲ ਭਾਰਤੀ ਤੁਲਸੀ ਰੈਡੀ ਪਾਲਪੁਨੂਰੀ, ਸੰਦੀਪ ਤੇ ਅਜੇ ਪਾਲ ਸਿੰਘ ਧਾਲੀਵਾਲ ਹਨ | ਉਨ੍ਹਾਂ ਕਿਹਾ ਕਿ ਇਸ ਬਸੰਤ ਰੁੱਤ 'ਚ ਐਵਰੈਸਟ 'ਤੇ ਚੜ੍ਹਨ ਵਾਲਿਆਂ ਦੁਆਰਾ ਬਣਾਇਆ ਗਿਆ ਇਹ ਨਵਾਂ ਰਿਕਾਰਡ ਹੈ | ਵੀਰਵਾਰ ਨੂੰ ਭਾਰਤ ਦੇ ਲਕਸ਼ਮੀਕਾਂਤ ਮੰਡਲ ਨੇ ਵੀ ਐਵਰੈਸਟ 'ਤੇ ਫਤਹਿ ਹਾਸਿਲ ਕੀਤੀ ਸੀ |