ਮੈਲਬੌਰਨ ਦਾ ਐਵਾਲੋਨ ਹਵਾਈ ਅੱਡਾ ਸ਼ੱਕੀ ਸਾਮਾਨ ਮਿਲਣ ਕਾਰਨ ਬੰਦ

ਅ

ਅਜੀਤ ਡੈਸਕ 22-05-2026

ਮੈਲਬੌਰਨ, 21 ਮਈ ( ਪਰਮਵੀਰ ਸਿੰਘ ਆਹਲੂਵਾਲੀਆ)- ਮੈਲਬੌਰਨ ਦੇ ਦੱਖਣ-ਪੱਛਮ 'ਚ ਸਥਿਤ ਐਵਾਲੋਨ ਹਵਾਈ ਅੱਡੇ ਦੇ ਘਰੇਲੂ ਉਡਾਣਾਂ ਵਾਲੇ ਟਰਮੀਨਲ 'ਤੇ ਉਸ ਵੇਲੇ ਭਾਜੜਾਂ ਪੈ ਗਈਆਂ, ਜਦੋਂ ਸੁਰੱਖਿਆ ਜਾਂਚ ਦੌਰਾਨ ਇਕ ਯਾਤਰੀ ਦੇ ਬੈਗ 'ਚੋਂ ਕੁਝ ਸ਼ੱਕੀ ਚੀਜ਼ਾਂ ਬਰਾਮਦ ਹੋਣ ਦਾ ਮਾਮਲਾ ਸਾਹਮਣੇ ਆਇਆ | ਸਵੇਰੇ 6 ਵਜੇ ਹੋਈ ਇਸ ਘਟਨਾ ਤੋਂ ਬਾਅਦ ਵਿਕਟੋਰੀਆ ਪੁਲਿਸ ਦੀ ਬੰਬ ਨਕਾਰਾ ਟੀਮ ਨੂੰ ਮੌਕੇ 'ਤੇ ਸੱਦਣਾ ਪਿਆ ਅਤੇ ਪੂਰੇ ਟਰਮੀਨਲ ਨੂੰ ਖਾਲੀ ਕਰਵਾ ਲਿਆ ਗਿਆ | ਇਸ ਹੰਗਾਮੇ ਕਾਰਨ ਹਵਾਈ ਅੱਡੇ 'ਤੇ ਉਡਾਣਾਂ 'ਚ ਦੇਰੀ ਹੋਈ ਅਤੇ ਯਾਤਰੀਆਂ ਨੂੰ ਚਾਰ ਘੰਟਿਆਂ ਤੱਕ ਬਾਹਰ ਉਡੀਕ ਕਰਨੀ ਪਈ | ਜਾਂਚ ਲਈ ਪੁਲਿਸ ਵਲੋਂ ਇੱਕ ਵਿਸ਼ੇਸ਼ ਰੋਬੋਟ ਵੀ ਬੈਗ ਦੇ ਅੰਦਰ ਭੇਜਿਆ ਗਿਆ | ਜਾਂਚ ਦੌਰਾਨ ਪਤਾ ਲੱਗਾ ਕਿ ਇਕ ਲੇਜ਼ਰ ਹੇਅਰ ਰਿਮੂਵਲ ਡਿਵਾਈਸ ਅਤੇ ਹੌਟ ਚਾਕਲੇਟ ਪਾਊਡਰ ਦੇ ਡੱਬੇ ਕਾਰਨ ਐਕਸਰੇ ਮਸ਼ੀਨ ਨੇ ਗਲਤ ਸੰਕੇਤ ਦੇ ਦਿੱਤੇ ਸਨ |