ਮਾਂ-ਪੁੱਤ ਨੇ ਲਾਟਰੀ ’ਚ ਜਿੱਤੀ ਇਕ ਲੱਖ ਡਾਲਰ ਦੀ ਰਾਸ਼ੀ

ਵੈਨਕੂਵਰ, 22 ਜੁਲਾਈ (ਮਲਕੀਤ ਸਿੰਘ)–ਬ੍ਰਿਟਿਸ਼ ਕੋਲੰਬੀਆ ਦੇ ਰਿਚਮੰਡ ਦੀ ਇੱਕ ਮਾਂ ਅਤੇ ਵੈਨਕੂਵਰ ਵਿਚ ਰਹਿੰਦੇ ਉਸ ਦੇ ਪੁੱਤਰ ਨੇ ਸਕ੍ਰੈਚ ਐਂਡ ਵਿਨ ਲਾਟਰੀ ਟਿਕਟ ਰਾਹੀਂ ਇੱਕ ਲੱਖ ਕੈਨੇਡੀਅਨ ਡਾਲਰ ਦੀ ਇਨਾਮੀ ਰਕਮ ਜਿੱਤੀ ਹੈ। ਮਾਂ ਨੇ ਦੱਸਿਆ ਕਿ ਜਿਵੇਂ ਹੀ ਉਸ ਨੂੰ ਜਿੱਤੀ ਹੋਈ ਰਕਮ ਬਾਰੇ ਪਤਾ ਲੱਗਾ ਤਾਂ ਸਭ ਤੋਂ ਪਹਿਲਾਂ ਇਹ ਖੁਸ਼ੀ ਆਪਣੇ ਪੁੱਤ ਨਾਲ ਸਾਂਝੀ ਕੀਤੀ। ਮਾਂ ਨੇ ਕਿਹਾ ਕਿ ਉਹ ਇਨਾਮ ਦੀ ਰਕਮ ਆਪਣੇ ਪੁੱਤਰ ਨਾਲ ਸਾਂਝੀ ਕਰੇਗੀ। ਪਰਿਵਾਰ ਨੇ ਇਸ ਅਚਾਨਕ ਮਿਲੀ ਖੁਸ਼ਖ਼ਬਰੀ ਨੂੰ ਆਪਣੀ ਜ਼ਿੰਦਗੀ ਦਾ ਯਾਦਗਾਰ ਪਲ ਕਰਾਰ ਦਿੱਤਾ ਹੈ।