ਨਵੀਂ ਦਿੱਲੀ, 23 ਜੁਲਾਈ (ਏਜੰਸੀ)-ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ, ਆਲੀਆ ਭੱਟ, ਕਰੀਨਾ ਕਪੂਰ ਖਾਨ ਅਤੇ ਕਮਲ ਹਸਨ ਸਮੇਤ ਹੋਰ ਅਦਾਕਾਰਾਂ ਨੇ ਸਿੱਖਿਆ ਪ੍ਰਣਾਲੀ ’ਚ ਸੁਧਾਰ ਦੀ ਮੰਗ ਨੂੰ ਲੈ ਕੇ ਪ੍ਰਦਰਸ਼ਨਾਂ ਦੌਰਾਨ ਪੁਲਿਸ ਕਾਰਵਾਈ ਦਾ ਸਾਹਮਣਾ ਕਰਨ ਵਾਲੇ ਵਿਦਿਆਰਥੀਆਂ ਨਾਲ ਸਮਰਥਨ ਜਤਾਇਆ ਹੈ। ਸਲਮਾਨ ਖਾਨ ਨੇ ਵਿਦਿਆਰਥੀਆਂ ਦੇ ਹੱਕ ’ਚ ਬੋਲਦਿਆਂ ਜਿੱਥੇ ਨੌਜਵਾਨਾਂ ਦੀ ਬਿਹਤਰ ਸਿੱਖਿਆ ਦੀ ਮੰਗ ਦੀ ਸ਼ਲਾਘਾ ਕੀਤੀ ਅਤੇ ਨਾਲ ਹੀ ਚਿਤਾਵਨੀ ਦਿੱਤੀ ਕਿ ਇਸ “ਅੰਦੋਲਨ” ਨੂੰ ਰਾਜਸੀਕਰਨ ਨਾ ਹੋਵੇ। ਇਸ ਦੌਰਾਨ ਕਰੀਨਾ, ਆਲੀਆ, ਤਾਮਿਲ ਸੁਪਰਸਟਾਰ ਅਤੇ ਸਿਆਸਤਦਾਨ ਕਮਲ ਹਸਨ ਨੇ ਵਿਦਿਆਰਥੀਆਂ ਪ੍ਰਤੀ ਦਿਖਾਈ ਗਈ ਪੁਲਿਸ ਦੀ ਬੇਰਹਿਮੀ ਦੀ ਸਖ਼ਤ ਆਲੋਚਨਾ ਕੀਤੀ ਅਤੇ ਵਿਦਿਆਰਥੀਆਂ ਦੇ ਹੱਕ ’ਚ ਆਪਣਾ ਸਮਰਥਨ ਜਤਾਇਆ।
