ਬੀ.ਸੀ. ਫੈਰੀਜ਼ ਦੀਆਂ ਕਈ ਫੈਰੀਆਂ ਰੱਦ
ਵੈਨਕੂਵਰ, 29 ਅਗਸਤ (ਮਲਕੀਤ ਸਿੰਘ)-ਬੀ. ਸੀ.
ਵੈਨਕੂਵਰ, 29 ਅਗਸਤ (ਮਲਕੀਤ ਸਿੰਘ)-ਬੀ.ਸੀ. ਫੈਰੀਜ਼ ਦੇ ਸਮੁੰਦਰੀ ਜਹਾਜ਼ ‘ਕੁਈਨ ਆਫ਼ ਸਰੀ’ ਦੇ ਪ੍ਰੋਪੈਲਰ ਸ਼ਾਫਟ ਵਿਚ ਤਕਨੀਕੀ ਸਮੱਸਿਆ ਆਉਣ ਕਾਰਨ ਮੈਟਰੋ ਵੈਨਕੂਵਰ ਅਤੇ ਸਨਸ਼ਾਈਨ ਕੋਸਟ ਵਿਚਕਾਰ ਚੱਲਣ ਵਾਲੀਆਂ ਕਈ ਫੈਰੀਆਂ ਰੱਦ ਕਰ ਦਿੱਤੀਆਂ ਗਈਆਂ ਹਨ, ਜਦਕਿ ਕੁਝ ਹੋਰ ਫੈਰੀਆਂ ਦੇ ਵੀ ਰੱਦ ਹੋਣ ਦਾ ਖ਼ਤਰਾ ਬਣਿਆ ਹੋਇਆ ਹੈ। ਬੀ.ਸੀ. ਫੈਰੀਜ਼ ਅਨੁਸਾਰ ‘ਕੁਈਨ ਆਫ਼ ਸਰੀ’ ਵਿੱਚ ਆਈ ਸਮੱਸਿਆ ਤੋਂ ਬਾਅਦ ਜਹਾਜ਼ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਸ਼ਨੀਵਾਰ ਸਵੇਰ ਤੋ ਜਹਾਜ਼ ਦੇ ਸਮੁੰਦਰੀ ਪਰੀਖਣ ਕੀਤੇ ਜਾ ਰਹੇ ਹਨ ਤਾਂ ਜੋ ਇਹ ਪਤਾ ਲਾਇਆ ਜਾ ਸਕੇ ਕਿ ਇਸ ਨੂੰ ਮੁੜ ਸੁਰੱਖਿਅਤ ਢੰਗ ਨਾਲ ਸੇਵਾ ਵਿੱਚ ਲਿਆਂਦਾ ਜਾ ਸਕਦਾ ਹੈ ਜਾਂ ਨਹੀਂ। ਇਸ ਤਕਨੀਕੀ ਖ਼ਰਾਬੀ ਦਾ ਸਿੱਧਾ ਅਸਰ ਮੈਟਰੋ ਵੈਨਕੂਵਰ ਅਤੇ ਸਨਸ਼ਾਈਨ ਕੋਸਟ ਵਿਚਕਾਰ ਸਫ਼ਰ ਕਰਨ ਵਾਲੇ ਯਾਤਰੀਆਂ ’ਤੇ ਪਿਆ ਹੈ। ਬੀ.ਸੀ. ਫੈਰੀਜ਼ ਨੇ ਕਈ ਫੇਰੀਆਂ ਰੱਦ ਹੋਣ ਦੀ ਪੁਸ਼ਟੀ ਕੀਤੀ ਹੈ ਅਤੇ ਚਿਤਾਵਨੀ ਦਿੱਤੀ ਹੈ ਕਿ ਹਾਲਾਤ ਦੇ ਮੱਦੇਨਜ਼ਰ ਹੋਰ ਫੇਰੀਆਂ ਵੀ ਪ੍ਰਭਾਵਿਤ ਹੋ ਸਕਦੀਆਂ ਹਨ। ‘ਕੁਈਨ ਆਫ਼ ਸਰੀ’ ਦੇ ਸਮੁੰਦਰੀ ਪਰੀਖਣਾਂ ਦੇ ਨਤੀਜਿਆਂ ਤੋਂ ਬਾਅਦ ਹੀ ਅਗਲੀਆਂ ਫੈਰੀਆਂ ਬਾਰੇ ਸਥਿਤੀ ਸਪੱਸ਼ਟ ਹੋਣ ਦੀ ਉਮੀਦ ਹੈ। ਯਾਤਰੀਆਂ ਲਈ ਇਹ ਰੁਕਾਵਟ ਖ਼ਾਸ ਤੌਰ ’ਤੇ ਹਫ਼ਤੇ ਦੇ ਅੰਤ ਵਿੱਚ ਮੁਸ਼ਕਲ ਪੈਦਾ ਕਰ ਸਕਦੀ ਹੈ, ਜਦੋਂ ਸਨਸ਼ਾਈਨ ਕੋਸਟ ਵੱਲ ਆਉਣ-ਜਾਣ ਵਾਲਿਆਂ ਦੀ ਗਿਣਤੀ ਵਧ ਜਾਂਦੀ ਹੈ।
