ਸ਼ਿਕਾਗੋ ਵਿਚ ਤੀਆਂ ਦਾ ਤਿਉਹਾਰ ਮਨਾਇਆ
ਸ਼ਿਕਾਗੋ, 5 ਸਤੰਬਰ (ਕੇਵਲ ਗੁਰਾਇਆ)-ਅਮਰੀਕਾ ਦੇ ਸ਼ਹਿਰ ਪੈਲਾਟਾਇਨ ਦੀ ਟੀਮ ਸਵੇਰਾ ਵਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਤੀਆਂ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ । ਇਹ ਮੇਲਾ ਜਸਵੀਰ ਕੌਰ ਮਾਨ ਦੀ ਅਗਵਾਈ ਵਿਚ ਕਰਵਾਇਆ ਗਿਆ।
ਸ਼ਿਕਾਗੋ, 5 ਸਤੰਬਰ (ਕੇਵਲ ਗੁਰਾਇਆ)-ਅਮਰੀਕਾ ਦੇ ਸ਼ਹਿਰ ਪੈਲਾਟਾਇਨ ਦੀ ਟੀਮ ਸਵੇਰਾ ਵਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਤੀਆਂ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ ।ਇਹ ਮੇਲਾ ਜਸਵੀਰ ਕੌਰ ਮਾਨ ਦੀ ਅਗਵਾਈ ਵਿਚ ਕਰਵਾਇਆ ਗਿਆ। ਇਸ ਮੇਲੇ ਵਿਚ ਜਿਥੇ ਮੁਟਿਆਰਾਂ ਨੇ ਨੱਚ ਗਾ ਕੇ ਆਪਣਾ ਮਨ ਪਰਚਾਵਾ ਕੀਤਾ, ਉਥੇ ਹੀ ਬਲਜੀਤ ਅਟਵਾਲ, ਰਿੰਪਲ ਡੋਗਰਾ ਅਤੇ ਰਾਜਵਿੰਦਰ ਕੌਰ ਨੇ ਆਪਣੀਆਂ ਕੋਰੀਓਗਰਾਫੀਆ ਨਾਲ ਸਭ ਦਾ ਧਿਆਨ ਖਿੱਚਿਆ।ਦੱਸਣਯੋਗ ਗੱਲ ਹੈ ਸ਼ਿਕਾਗੋ ਦਾ ਇਹ ਮੇਲਾ ਪੁਰਾਤਨ ਪੰਜਾਬ ਦੀ ਯਾਦ ਦਿਵਾਉਂਦਾ ਹੈ, ਜਿਥੇ ਖੁੱਲ੍ਹੇ ਪਿੜ ਵਿਚ ਹਰ ਪੰਜਾਬਣ ਆਪਣੇ ਦਿਲ ਦੇ ਜਜ਼ਬਾਤ ਸਾਂਝੇ ਕਰਦੀ ਹੈ ਅਤੇ ਸੁਹਾਗ ਵੀ ਸੁਣਾਉਂਦੀ ਹੈ । ਗੁਰਲੀਨ ਕੌਰ ਵਲੋਂ ਮੰਚ ਸੰਚਾਲਨ ਬਾਖ਼ੂਬੀ ਕੀਤਾ ਗਿਆ। ਟੀਮ ਸਵੇਰਾ ਵਲੋਂ ਉਨ੍ਹਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ । ਇਸ ਮੌਕੇ ਸਭ ਤੋਂ ਬਜ਼ੁਰਗ ਮਾਤਾ ਅਤੇ ਸਭ ਤੋ ਛੋਟੀ ਉਮਰ ਦੀ ਬੱਚੀ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ । ਅੰਮ੍ਰਿਤ ਕੌਰ ਅਤੇ ਰਕਿੰਦ ਕੌਰ ਵਲੋਂ ਆਪਣੀਆਂ ਕਵਿਤਾਵਾਂ ਸੁਣਾਈਆਂ ਗਈਆਂ ।ਸੀਰਤ ਕੌਰ ਵਲੋਂ ਟੀਮ ਸਵੇਰਾ ਦੇ ਸਮਾਜਿਕ ਅਤੇ ਸਭਿਆਚਾਰਕ ਕੰਮਾਂ ਬਾਰੇ ਜਾਣਕਾਰੀ ਦਿੱਤੀ ਗਈ । ਮੇਲੇ ਵਿਚ ਵੱਡੀ ਗਿਣਤੀ ਵਿਚ ਪੰਜਾਬਣਾਂ ਪੰਜਾਬੀ ਪਹਿਰਾਵੇ ਵਿਚ ਸਜ ਧਜ ਕੇ ਆਈਆਂ ਹੋਈਆ ਸਨ।
