ਸਿਡਨੀ ਸਮੇਤ ਵੱਡੇ ਸ਼ਹਿਰਾਂ ਵਿਚ ਵਿਦਿਆਰਥੀਆਂ ਦੇ ਰੋਸ ਪ੍ਰਦਰਸ਼ਨ
ਸਿਡਨੀ, 19 ਸਤੰਬਰ (ਹਰਕੀਰਤ ਸਿੰਘ ਸੰਧਰ)-ਪੌਲੀਨ ਹੈਨਸਨ ਦੀ ਅਗਵਾਈ ਵਾਲੀ ਵਨ ਨੇਸ਼ਨ ਪਾਰਟੀ ਦੀ ਵਧ ਰਹੀ ਸਿਆਸੀ ਪਹੁੰਚ ਅਤੇ ਹਾਲੀਆ ਪੋਲਿੰਗ ਦੇ ਵਿਰੋਧ ਵਿਚ ਸਿਡਨੀ ਸਮੇਤ ਆਸਟ੍ਰੇਲੀਆ ਦੇ ਕਈ ਵੱਡੇ ਸ਼ਹਿਰਾਂ ਵਿਚ ਸੈਂਕੜੇ ਵਿਦਿਆਰਥੀਆਂ ਵਲੋਂ ਰੋਸ ਪ੍ਰਦਰਸ਼ਨ ਕੀਤੇ ਗਏ। ਸਿਡਨੀ ਵਿਚ ਪ੍ਰਦਰਸ਼ਨ ਦੀ ਸ਼ੁਰੂਆਤ ਸਿਟੀ ਸੈਂਟਰ ਸਥਿਤ ਹਾਈਡ ਪਾਰਕ ਤੋਂ ਹੋਈ।
ਸਿਡਨੀ, 19 ਸਤੰਬਰ (ਹਰਕੀਰਤ ਸਿੰਘ ਸੰਧਰ)-ਪੌਲੀਨ ਹੈਨਸਨ ਦੀ ਅਗਵਾਈ ਵਾਲੀ ਵਨ ਨੇਸ਼ਨ ਪਾਰਟੀ ਦੀ ਵਧ ਰਹੀ ਸਿਆਸੀ ਪਹੁੰਚ ਅਤੇ ਹਾਲੀਆ ਪੋਲਿੰਗ ਦੇ ਵਿਰੋਧ ਵਿਚ ਸਿਡਨੀ ਸਮੇਤ ਆਸਟ੍ਰੇਲੀਆ ਦੇ ਕਈ ਵੱਡੇ ਸ਼ਹਿਰਾਂ ਵਿਚ ਸੈਂਕੜੇ ਵਿਦਿਆਰਥੀਆਂ ਵਲੋਂ ਰੋਸ ਪ੍ਰਦਰਸ਼ਨ ਕੀਤੇ ਗਏ।ਸਿਡਨੀ ਵਿਚ ਪ੍ਰਦਰਸ਼ਨ ਦੀ ਸ਼ੁਰੂਆਤ ਸਿਟੀ ਸੈਂਟਰ ਸਥਿਤ ਹਾਈਡ ਪਾਰਕ ਤੋਂ ਹੋਈ। ਪ੍ਰਦਰਸ਼ਨਕਾਰੀਆਂ ਨੇ ਵੱਖ-ਵੱਖ ਨਾਅਰੇ ਲਗਾਉਂਦਿਆਂ ਮਾਰਕੀਟ ਸਟਰੀਟ ਵੱਲ ਮਾਰਚ ਕੀਤਾ ਅਤੇ ਬਾਅਦ ਵਿੱਚ ਮੁੜ ਹਾਈਡ ਪਾਰਕ ਪਹੁੰਚੇ। ਕੁਝ ਪ੍ਰਦਰਸ਼ਨਕਾਰੀਆਂ ਵਲੋਂ ਅਪਮਾਨਜਨਕ ਨਾਅਰੇ ਵੀ ਲਗਾਏ ਗਏ ਅਤੇ ਕਿਹਾ ਗਿਆ। ਪ੍ਰਦਰਸ਼ਨ ਦੀ ਪ੍ਰਬੰਧਕ ਜੈਸਮੀਨ ਅਲ-ਰਾਵੀ ਨੇ ਕਿਹਾ ਕਿ ਕਰੀਬ ਇਕ ਮਹੀਨਾ ਪਹਿਲਾਂ ਹੋਏ ਇਸੇ ਤਰ੍ਹਾਂ ਦੇ ਪ੍ਰਦਰਸ਼ਨ ਨੂੰ ਮਿਲੇ ਹੁੰਗਾਰੇ ਤੋਂ ਬਾਅਦ ਮੁੜ ਰੋਸ ਪ੍ਰਦਰਸ਼ਨ ਕਰਨ ਦਾ ਫ਼ੈਸਲਾ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਪ੍ਰਦਰਸ਼ਨਕਾਰੀਆਂ ਵਿਚ ਪੌਲੀਨ ਹੈਨਸਨ ਦੀ ਵਧ ਰਹੀ ਪੋਲਿੰਗ ਅਤੇ ਮੁੱਖ ਧਾਰਾ ਮੀਡੀਆ ਤੇ ਰਾਜਨੀਤੀ ਵਿਚ ਉਨ੍ਹਾਂ ਦੀ ਵਧ ਰਹੀ ਮੌਜੂਦਗੀ ਨੂੰ ਲੈ ਕੇ ਚਿੰਤਾ ਹੈ।ਅਲ-ਰਾਵੀ ਨੇ ਦੋਸ਼ ਲਾਇਆ ਕਿ ਵਨ ਨੇਸ਼ਨ ਦੀ ਰਾਜਨੀਤੀ ਸਮਾਜ ਵਿਚ ਵੰਡ ਅਤੇ ਪੱਖਪਾਤ ਨੂੰ ਵਧਾਉਂਦੀ ਹੈ। ਇਹ ਉਨ੍ਹਾਂ ਅਤੇ ਹੋਰ ਪ੍ਰਦਰਸ਼ਨਕਾਰੀਆਂ ਦੇ ਵਿਚਾਰ ਹਨ, ਜਦਕਿ ਵਨ ਨੇਸ਼ਨ ਪਾਰਟੀ ਵਲੋਂ ਇਨ੍ਹਾਂ ਦੋਸ਼ਾਂ ਬਾਰੇ ਆਪਣਾ ਪੱਖ ਵੱਖਰੇ ਤੌਰ ’ਤੇ ਰੱਖਿਆ ਜਾਂਦਾ ਰਿਹਾ ਹੈ।ਪ੍ਰਦਰਸ਼ਨਕਾਰੀ ਜੈਕ ਹਾਰਵੀ ਨੇ ਕਿਹਾ ਕਿ ਇਸ ਵਾਰ ਵਿਦਿਆਰਥੀਆਂ ਵਲੋਂ ਆਪਣੇ ਵਿਚਾਰ ਹੋਰ ਜ਼ੋਰਦਾਰ ਢੰਗ ਨਾਲ ਪ੍ਰਗਟ ਕੀਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਕੁਝ ਨਾਅਰਿਆਂ ਵਿੱਚ ਅਪਮਾਨਜਨਕ ਭਾਸ਼ਾ ਵਰਤੀ ਗਈ, ਜਿਸ ਨਾਲ ਕੁਝ ਲੋਕਾਂ ਨੂੰ ਇਤਰਾਜ਼ ਹੋ ਸਕਦਾ ਹੈ, ਪਰ ਪ੍ਰਦਰਸ਼ਨਕਾਰੀਆਂ ਦਾ ਮਕਸਦ ਆਪਣਾ ਸੁਨੇਹਾ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਾਉਣਾ ਹੈ।ਇਸੇ ਮੁੱਦੇ ’ਤੇ ਮੈਲਬੌਰਨ ਅਤੇ ਬ੍ਰਿਸਬੇਨ ਵਿੱਚ ਵੀ ਪ੍ਰਦਰਸ਼ਨ ਹੋਏ। ਮੈਲਬੌਰਨ ਵਿੱਚ ਰਾਜ ਲਾਇਬ੍ਰੇਰੀ ਦੇ ਬਾਹਰ ਇਕ ਹਜ਼ਾਰ ਤੋਂ ਵੱਧ ਸਕੂਲ ਅਤੇ ਯੂਨੀਵਰਸਿਟੀ ਵਿਦਿਆਰਥੀਆਂ ਦੇ ਇਕੱਠੇ ਹੋਣ ਅਤੇ ਬਾਅਦ ਵਿੱਚ ਮਾਰਚ ਕਰਨ ਦੀ ਰਿਪੋਰਟ ਹੈ।ਇਹ ਪ੍ਰਦਰਸ਼ਨ ਅਗਸਤ ਵਿਚ ਹੋਏ ਇਸੇ ਤਰ੍ਹਾਂ ਦੇ ਰੋਸ ਪ੍ਰਦਰਸ਼ਨਾਂ ਤੋਂ ਬਾਅਦ ਹੋਏ ਹਨ। ਪ੍ਰਦਰਸ਼ਨਕਾਰੀਆਂ ਨੇ ਵਨ ਨੇਸ਼ਨ ਦੀਆਂ ਨੀਤੀਆਂ ਅਤੇ ਪੌਲੀਨ ਹੈਨਸਨ ਦੀ ਵਧ ਰਹੀ ਸਿਆਸੀ ਹਰਮਨਪਿਆਰਤਾ ਬਾਰੇ ਆਪਣੀਆਂ ਚਿੰਤਾਵਾਂ ਜ਼ਾਹਰ ਕੀਤੀਆਂ।
