ਸੀ.ਟੀ.ਈ.ਟੀ. ਪ੍ਰੀਖਿਆ 2026 ਲਈ ਨਵੀਆਂ ਤਰੀਕਾਂ ਦਾ ਐਲਾਨ
ਅਜੀਤ ਡੈਸਕ
04-02-2026
ਨਵੀਂ ਦਿੱਲੀ, 3 ਫਰਵਰੀ (ਮਿਸਰਦੀਪ ਭਾਟੀਆ)-ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀ.ਬੀ.ਐਸ.ਈ.) ਨੇ ਸੀ.ਟੀ.ਈ.ਟੀ. ਪ੍ਰੀਖਿਆ ਦੇ ਲਈ ਨਵੀਆਂ ਤਰੀਕਾਂ ਦਾ ਐਲਾਨ ਕਰ ਦਿੱਤਾ ਹੈ | ਇਹ ਪ੍ਰੀਖਿਆ 7 ਅਤੇ 8 ਫਰਵਰੀ, 2026 ਨੂੰ ਹੋਵੇਗੀ | ਸੀ.ਟੀ.ਈ.ਟੀ. 2026 ਦੇ ਲਈ ਅਰਜ਼ੀ ਦੇਣ ਵਾਲੇ ਉਮੀਦਵਾਰਾਂ ਦੀ ਵਧ ਰਹੀ ਗਿਣਤੀ ਦੇ ਕਾਰਨ ਬੋਰਡ ਨੇ ਪ੍ਰੀਖਿਆ ਨੂੰ ਦੋ ਦਿਨਾਂ ਵਿਚ ਕਰਾਉਣ ਦਾ ਫ਼ੈਸਲਾ ਕੀਤਾ ਹੈ | ਪਹਿਲਾਂ ਇਹ ਪ੍ਰੀਖਿਆ ਸਿਰਫ਼ 8 ਫਰਵਰੀ ਨੂੰ ਹੋਣੀ ਸੀ ਹੁਣ ਇਹ ਦੋ ਦਿਨਾਂ ਵਿਚ ਕਰਵਾਈ ਜਾਵੇਗੀ | ਸੀ.ਬੀ.ਐਸ.ਈ. ਸੀ.ਟੀ.ਈ.ਟੀ., 2026 ਦੀ ਪ੍ਰੀਖਿਆ ਦੇਸ਼ ਭਰ ਦੇ 140 ਸ਼ਹਿਰਾਂ ਵਿਚ ਹੋਵੇਗੀ |
