ਨਵੀਂ ਦਿੱਲੀ, 3 ਅਪ੍ਰੈਲ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਮੈਟਰੋ ਰੇਲ ਦੀ ਸਰਵਿਸ ਕੁੱਝ ਰੂਟਾਂ 'ਤੇ ਸਵੇਰੇ 5 ਅਪ੍ਰੈਲ ਤੋਂ ਸਵੇਰੇ 3 ਵਜੇ ਸ਼ੁਰੂ ਹੋ ਜਾਵੇਗੀ | ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ (ਡੀ ਐਮ ਆਰ ਸੀ) ਨੇ ਪੀ ਐਨ ਬੀ ਸੋਲਜਰਾਥਾਨ 2026 ਮੈਰਾਥਨ ਵਿਚ ਹਿੱਸਾ ਲੈਣ ਵਾਲੇ ਪ੍ਰਤੀ ਭਾਗੀਆਂ ਦੀ ਸਹੂਲਤ ਦੇ ਲਈ ਉਪਰੋਕਤ ਫੈਸਲਾ ਕੀਤਾ ਹੈ | ਮੈਰਾਥਨ ਸਵੇਰੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਦੇ ਵਿਚ ਆਯੋਜਿਤ ਕੀਤੀ ਗਈ ਹੈ | ਜੋ ਪ੍ਰਤੀ ਭਾਗੀ ਇਸ ਵਿਚ ਭਾਗ ਲੈ ਰਹੇ ਹਨ | ਉਨ੍ਹਾਂ ਦੇ ਸਮੇਂ ਸਿਰ ਪੁੱਜਣ ਦੇ ਪ੍ਰਤੀ ਡੀ ਐਮ ਆਰ ਸੀ ਅਜਿਹਾ ਕਦਮ ਪੁੱਟਿਆ ਹੈ | ਇਹ ਸਰਵਿਸ ਬਲਿਊ ਯੈਲੋ ਵਾਇਲਟ ਲਾਈਨਾਂ 'ਤੇ ਸ਼ੁਰੂ ਹੋਵੇਗੀ | ਇਹ ਸੇਵਾ 30 ਮਿੰਟ ਦੇ ਫਰਕ ਨਾਲ ਚੱਲੇਗੀ |
