ਪਿਸਤੌਲ ਤੇ ਕਾਰਤੂਸਾਂ ਸਮੇਤ 2 ਵਿਅਕਤੀ ਕੀਤੇ ਕਾਬੂ

ਅ

ਅਜੀਤ ਡੈਸਕ 15-04-2026

ਨਵੀਂ ਦਿੱਲੀ, 14 ਅਪ੍ਰੈਲ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਪੁਲਿਸ ਨੇ ਦੋ ਵਿਅਕਤੀਆਂ ਨੂੰ ਗਿ੍ਫ਼ਤਾਰ ਕੀਤਾ ਹੈ ਕਿ ਜੋ ਕਈ ਅਪਰਾਧ ਦੇ ਮਾਮਲਿਆਂ ਵਿਚ ਸ਼ਾਮਿਲ ਸਨ | ਇਨ੍ਹਾਂ ਦੇ ਨਾਂਅ ਪ੍ਰਵੇਸ਼ ਉਰਫ਼ ਮੁਹੰਮਦ ਦਾਨਿਸ਼, ਜੋ ਕਿ ਯੂ.ਪੀ. ਦਾ ਰਹਿਣ ਵਾਲਾ ਹੈ | ਦੂਸਰੇ ਅਪਰਾਧੀ ਦਾ ਨਾਂਅ ਰਣਧੀਰ ਉਰਫ ਵਿਜੈ ਕੁਮਾਰ ਹੈ, ਜੋ ਬਿਹਾਰ ਦੇ ਮੁਜ਼ੱਫਰਪੁਰ ਦਾ ਰਹਿਣ ਵਾਲਾ ਹੈ | ਪ੍ਰਵੇਸ਼ ਦੇ ਕੋਲੋਂ ਪੁਲਿਸ ਨੇ ਇਕ ਸੈਮੀ ਆਟੋਮੈਟਿਕ ਪਿਸਤੌਲ, 2 ਜ਼ਿੰਦਾ ਕਾਰਤੂਸ ਬਰਾਮਦ ਕੀਤੇ ਹਨ ਜਦਕਿ ਰਣਧੀਰ ਕੋਲੋਂ 2 ਜ਼ਿੰਦਾ ਕਾਰਤੂਸ ਬਰਾਮਦ ਕੀਤੇ ਹਨ | ਇਨ੍ਹਾਂ ਵਿਰੁੱਧ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਹੈ | ਇਹ ਦੋਵੇਂ ਅਪਰਾਧੀ ਪਹਿਲਾਂ ਡਕੈਤੀ ਅਤੇ ਹਥਿਆਰ ਐਕਟ ਆਦਿ ਅਪਰਾਧਿਕ ਮਾਮਲਿਆਂ ਵਿਚ ਸ਼ਾਮਿਲ ਹਨ | ਇਨ੍ਹਾਂ ਪ੍ਰਤੀ ਪੁਲਿਸ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਇਹ ਦਿੱਲੀ ਦੀ ਭਲਸਵਾ ਝੀਲ ਕੋਲ ਡਕੈਤੀ ਮਾਰਨ ਆ ਰਹੇ ਹਨ | ਪੁਲਿਸ ਨੇ ਮੌਕੇ 'ਤੇ ਆ ਕੇ ਇਨ੍ਹਾਂ ਨੂੰ ਕਾਬੂ ਕਰ ਲਿਆ | ਪੁਲਿਸ ਵਲੋਂ ਕੀਤੀ ਗਈ ਪੁੱਛ-ਪੜਤਾਲ ਵਿਚ ਪ੍ਰਵੇਸ਼ ਨੇ ਦੱਸਿਆ ਹੈ ਕਿ ਉਹ ਯੋਗੇਸ਼ ਉਰਫ਼ ਸਚਿਨ (ਅਲੀਗੜ੍ਹ) ਤੋਂ ਗ਼ੈਰ-ਕਾਨੂੰਨੀ ਹਥਿਆਰ ਖਰੀਦਦਾ ਸੀ | ਪਿਸਤੌਲ 30-35 ਹਜ਼ਾਰ ਤੇ ਦੇਸੀ ਕੱਟੇ 10 ਹਜ਼ਾਰ ਰੁਪਏ 'ਚ ਖਰੀਦਦਾ ਸੀ | ਉਸ ਨੇ ਇਹ ਵੀ ਦੱਸਿਆ ਕਿ ਖਰੀਦੇ ਗਏ ਹਥਿਆਰਾਂ ਨੂੰ ਉਹ ਨਰਿੰਦਰ ਗਰੁੱਪ ਦੇ ਸਹਿਯੋਗੀਆਂ ਨੂੰ ਸਪਲਾਈ ਕਰਦਾ ਸੀ ਅਤੇ ਉਹ ਇਨ੍ਹਾਂ ਹਥਿਆਰਾਂ ਦੀ ਵਰਤੋਂ ਦਿੱਲੀ ਵਿਚ ਡਕੈਤੀਆਂ ਅਤੇ ਹੋਰ ਅਪਰਾਧਾਂ ਵਿਚ ਕਰਦਾ ਸੀ | ਦੂਸਰਾ ਅਪਰਾਧੀ ਰਣਧੀਰ ਵੀ ਯੋਗੇਸ਼ ਤੋਂ ਹੀ ਹਥਿਆਰ ਖਰੀਦਦਾ ਸੀ |