ਜਲੰਧਰ, 21 ਅਪ੍ਰੈਲ (ਸ਼ਿਵ)-ਵਾਰਡ ਨੰਬਰ ਇੱਕ ਦੇ ਨਿਊ ਇੰਦਰਾ ਕਾਲੋਨੀ 'ਚ ਪਾਣੀ ਦੀ ਕਿੱਲਤ ਕਰਕੇ ਲੋਕਾਂ ਨੂੰ ਭਾਰੀ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ 11 ਮਹੀਨੇ ਪਹਿਲਾਂ ਟਿਊਬਵੈੱਲ ਦੀ ਮੋਟਰ ਦਾ ਉਦਘਾਟਨ ਕੀਤਾ ਗਿਆ ਸੀ ਪਰ ਅਜੇ ਤੱਕ ਨਿਗਮ ਵਲੋਂ ਬਿਜਲੀ ਕੁਨੈਕਸ਼ਨ ਲਈ ਤਾਰ ਨਹੀਂ ਪਾਈ ਜਾ ਸਕੀ ਹੈ | ਲੋਕਾਂ ਨੇ ਰੋਸ ਵਜੋਂ ਨਾਅਰੇਬਾਜ਼ੀ ਕੀਤੀ | ਕਾਲੋਨੀ ਵਾਸੀ ਸੰਤੋਸ਼ ਬਿਲਾਨੀ ਨੇ ਦੱਸਿਆ ਕਿ 50 ਰੁਪਏ ਦੀ ਬੋਤਲ ਲੈ ਕੇ ਪਾਣੀ ਪੀ ਰਹੇ ਹਨ | ਲੋਕਾਂ ਨੂੰ ਪਾਣੀ ਦੀ ਕਮੀ ਕਰਕੇ ਪੇ੍ਰਸ਼ਾਨ ਹੋਣਾ ਪੈ ਰਿਹਾ ਹੈ | ਸੰਤੋਸ਼ ਬਲਾਨੀ ਨੇ ਦੱਸਿਆ ਕਿ ਜੇਕਰ ਨਿਗਮ ਨੇ ਤਾਰ ਨਾ ਪੁਆਈ ਤਾਂ ਉਹ ਆਪ ਪੈਸੇ ਇਕੱਠੇ ਕਰਕੇ ਟਿਊਬਵੈੱਲ ਦੀ ਮੋਟਰ ਲਈ ਤਾਰ ਪੁਆ ਦੇਣਗੇ | ਇਸ ਰੋਸ ਪ੍ਰਦਰਸ਼ਨ ਦੌਰਾਨ ਸ਼ੰਕਰ ਲਾਲ, ਗੀਤਾ ਦੇਵੀ , ਆਸਾ ਰਾਮ, ਦੇਵੀ , ਸੂਰਤੋ ਦੇਵੀ , ਸੀਤਾ ਦੇਵੀ, ਅਮਨ ਤੇ ਹੋਰ ਹਾਜਰ ਸਨ |