ਡੱਬਵਾਲੀ, 6 ਮਈ (ਇਕਬਾਲ ਸਿੰਘ ਸ਼ਾਂਤ)- ਪਿੰਡ ਡੱਬਵਾਲੀ 'ਚ ਸ਼ਾਰਟ ਸਰਕਿਟ ਨਾਲ ਭੜਕੀ ਅੱਗ ਨੇ ਇਕ ਮਕਾਨ ਦੇ ਗੈਰਾਜ ਨੂੰ ਆਪਣੀ ਲਪੇਟ 'ਚ ਲੈ ਲਿਆ, ਜਿਸ ਨਾਲ ਉੱਥੇ ਖੜ੍ਹੀ ਸਵਿਫਟ ਕਾਰ ਸਮੇਤ ਹੋਰ ਸਾਮਾਨ ਸੜ ਕੇ ਰਾਖ ਹੋ ਗਿਆ | ਇਸ ਘਟਨਾ ਵਿਚ ਮਕਾਨ ਮਾਲਕ ਨੂੰ ਲੱਖਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ | ਘਟਨਾ ਦਾ ਖੁਲਾਸਾ ਸੰਦੀਪ ਸਿੰਘ ਦੀ ਪਤਨੀ ਵਲੋਂ ਮੋਟਰ ਚਾਲੂ ਕਰਨ ਮੌਕੇ ਹੋਇਆ | ਉਸ ਨੇ ਗੈਰਾਜ 'ਚੋਂ ਅੱਗ ਦੀਆਂ ਲਪਟਾਂ ਵੇਖੀਆਂ | ਰੌਲਾ ਸੁਣ ਕੇ ਸੰਦੀਪ ਸਿੰਘ ਅਤੇ ਆਂਢ-ਗੁਆਂਢ ਦੇ ਲੋਕ ਮੌਕੇ 'ਤੇ ਪੁੱਜ ਗਏ ਅਤੇ ਅੱਗ ਬੁਝਾਉਣ 'ਚ ਜੁਟ ਗਏ | ਘੰਟਿਆਂ ਦੀ ਮਸ਼ੱਕਤ ਨਾਲ ਅੱਗ 'ਤੇ ਕਾਬੂ ਪਾਇਆ, ਪਰ ਤਦ ਤੱਕ ਖੜੀ ਕਾਰ ਅਤੇ ਹੋਰ ਸਾਮਾਨ ਬੁਰੀ ਤਰ੍ਹਾਂ ਸੜ ਚੁੱਕਿਆ ਸੀ |