ਨਾਰਾਇਣਗੜ੍ਹ, 10 ਜੂਨ (ਪੀ. ਸਿੰਘ)-ਬਰਸਾਤ ਦਾ ਮੌਸਮ ਆ ਰਿਹਾ ਹੈ, ਪਰ ਨਰਾਇਣਗੜ੍ਹ ਸ਼ਹਿਰ ਦੀਆਂ ਨਾਲੀਆਂ ਅਜੇ ਵੀ ਗੰਦਗੀ ਅਤੇ ਗਾਰੇ ਨਾਲ ਭਰੀਆਂ ਹੋਈਆਂ ਹਨ | ਸਥਾਨਕ ਵਾ. ਨੰ. 2 ਦੇ ਕੌਂਸਲਰ ਨਰਿੰਦਰ ਦੇਵ ਸ਼ਰਮਾ ਨੇ ਇਸ ਸਮੱਸਿਆ ਸੰਬੰਧੀ ਐਸ. ਡੀ. ਐਮ. (ਨਾਗਰਿਕ) ਨੂੰ ਇਕ ਮੰਗ ਪੱਤਰ ਸੌਂਪਿਆ ਹੈ | ਇਸ ਪੱਤਰ ਰਾਹੀਂ ਕੌਂਸਲਰ ਨੇ ਕਿਹਾ ਹੈ ਕਿ ਸ਼ਹਿਰ ਭਰ ਦੀਆਂ ਨਾਲੀਆਂ ਤੇ ਡਰੇਨ ਮਿੱਟੀ ਨਾਲ ਭਰੀਆਂ ਹੋਈਆਂ ਹਨ, ਜਿਨ੍ਹਾਂ ਕਾਰਨ ਅਚਾਨਕ ਮੀਂਹ ਪੈਣ ਦੀ ਸੂਰਤ ਵਿਚ ਪਾਣੀ ਲੋਕਾਂ ਦੇ ਘਰਾਂ, ਦੁਕਾਨਾਂ ਅਤੇ ਸੜਕਾਂ ਵਿਚ ਭਰ ਜਾਵੇਗਾ, ਜਿਸ ਨਾਲ ਕਾਫ਼ੀ ਨੁਕਸਾਨ ਹੋ ਸਕਦਾ ਹੈ | ਉਨ੍ਹਾਂ ਇਹ ਵੀ ਦੋਸ਼ ਲਗਾਇਆ ਕਿ ਏਜੰਸੀਆਂ ਨੂੰ ਸ਼ਹਿਰ ਦੀਆਂ ਨਾਲੀਆਂ ਤੋਂ ਕੂੜਾ ਇਕੱਠਾ ਕਰਨ ਦੇ ਠੇਕੇ ਦਿੱਤੇ ਗਏ ਹਨ, ਪਰ ਨਾ ਤਾਂ ਕੂੜਾ ਇਕੱਠਾ ਕੀਤਾ ਜਾ ਰਿਹਾ ਹੈ ਅਤੇ ਨਾ ਹੀ ਨਗਰ ਪਾਲਿਕਾ ਪ੍ਰਸ਼ਾਸਨ ਆਪਣੀ ਜ਼ਿੰਮੇਵਾਰੀ ਨਿਭਾ ਰਿਹਾ ਹੈ | ਕੌਂਸਲਰ ਨੇ ਮੰਗ ਕੀਤੀ ਕਿ ਨਗਰ ਪਾਲਿਕਾ ਤੁਰੰਤ ਨਾਲਿਆਂ ਦੀ ਸਫਾਈ ਕਰਵਾਏ ਅਤੇ ਨਾਲਿਆਂ 'ਚੋਂ ਕੂੜਾ ਸਾਫ਼ ਕਰਵਾਏ | ਉਨ੍ਹਾਂ ਮੁਲਜ਼ਮ ਠੇਕੇਦਾਰ ਵਿਰੁੱਧ ਕਾਰਵਾਈ ਦੀ ਵੀ ਮੰਗ ਕੀਤੀ |
