ਦਿੱਲੀ ਦੇ ਲੋਕਾਂ ਨੂੰ ਗਰਮੀ ਤੋਂ ਮਿਲੀ ਰਾਹਤ

ਅ

ਅਜੀਤ ਡੈਸਕ 12-06-2026

ਨਵੀਂ ਦਿੱਲੀ, 11 ਜੂਨ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਵਿਚ ਮੌਸਮ ਵਿਚ ਤਬਦੀਲੀ ਆਉਣ 'ਤੇ 12 ਜੂਨ ਨੂੰ ਗਰਜ ਤੇ ਚਮਕ ਨਾਲ ਹਲਕੀ ਬਾਰਿਸ਼ ਜਾਂ ਬੂੰਦਾਂਬਾਂਦੀ ਦੀ ਸੰਭਾਵਨਾ ਹੈ | ਭਾਰਤੀਯ ਮੌਸਮ ਵਿਭਾਗ (ਆਈ.ਐਮ.ਡੀ.) ਦੇ ਅਨੁਸਾਰ ਇਸ ਦਿਨ ਤੇਜ਼ ਹਵਾ ਵੀ ਚੱਲ ਸਕਦੀ ਹੈ, ਜਿਸ ਨਾਲ ਭੀਸ਼ਨ ਗਰਮੀ ਤੋਂ ਰਾਹਤ ਮਿਲਣ ਦੀ ਉਮੀਦ ਕਹੀ ਜਾ ਸਕਦੀ ਹੈ | ਦਿੱਲੀ ਵਿਚ 25 ਤੋਂ 30 ਜੂਨ ਵਿਚ ਮੌਨਸੂਨ ਦੇ ਦਸਤਕ ਦੇਣ ਦੀ ਸੰਭਾਵਨਾ ਹੈ | ਮੌਸਮ ਵਿਭਾਗ ਅਨੁਸਾਰ 13 ਜੂਨ ਨੂੰ ਮੌਸਮ ਸਾਫ ਹੋ ਸਕਦਾ ਹੈ ਅਤੇ ਕੁਝ ਇਲਾਕਿਆਂ ਵਿਚ ਹਲਕੀ ਬਾਰਿਸ਼ ਹੋਣ ਦੀ ਉਮੀਦ ਹੈ ਅਤੇ 15 ਤੋਂ 19 ਜੂਨ ਵਿਚ ਤਾਪਮਾਨ ਵਿਚ ਬਦਲਾਓ ਆ ਸਕਦਾ ਹੈ | ਦਿੱਲੀ ਵਿਚ ਅੱਜ (11 ਜੂਨ) ਨੂੰ ਸਵੇਰੇ ਦੇ ਸਮੇਂ ਧੁੱਪ ਤੇ ਗਰਮੀ ਨੇ ਆਪਣੇ ਜੌਹਰ ਵਿਖਾਏ ਪਰੰਤੂ ਦੁਪਹਿਰ ਤੋਂ ਬਾਅਦ ਮੌਸਮ ਬਦਲਣ 'ਤੇ ਅਸਮਾਨ ਵਿਚ ਬੱਦਲ ਛਾ ਜਾਣ 'ਤੇ ਹਵਾ ਵੀ ਚੱਲੀ, ਜਿਸ ਨਾਲ ਲੋਕਾਂ ਨੂੰ ਗਰਮੀ ਤੋਂ ਥੋੜ੍ਹੀ ਰਾਹਤ ਮਿਲੀ ਹੈ |