ਕਾਲਾਂਵਾਲੀ/ਸਿਰਸਾ, 25 ਜੂਨ (ਭੁਪਿੰਦਰ ਪੰਨੀਵਾਲੀਆ)- ਨਿਰਜਲਾ ਇਕਾਦਸ਼ੀ ਦੇ ਮੌਕੇ ’ਤੇ ਰਾਹਗੀਰਾਂ ਨੂੰ ਗਰਮੀ ਤੋਂ ਰਾਹਤ ਦੇਣ ਲਈ ਸ਼ਹਿਰ ਦੇ ਵੱਖ-ਵੱਖ ਥਾਵਾਂ ’ਤੇ ਮਿੱਠੇ ਜਲ ਦੀਆਂ ਛਬੀਲਾਂ ਲਾਈਆਂ ਗਈਆਂ। ਇਸ ਮੌਕੇ ’ਤੇ ਸਮਾਜਿਕ ਸੰਗਠਨ ਭਾਰਤ ਵਿਕਾਸ ਪ੍ਰੀਸ਼ਦ ਦੇ ਸਹਿਯੋਗ ਨਾਲ ਐਸਬੀਆਈ ਬੈਂਕ ਨੇੜੇ ਜਨ ਸਿੱਖਿਆ ਸੰਸਥਾਨ ਦੁਆਰਾ ਚਲਾਏ ਜਾ ਰਹੇ ਸਿਖਲਾਈ ਕੇਂਦਰ ਵਿੱਚ ਠੰਡੇ ਅਤੇ ਮਿੱਠੇ ਜਲ ਦੀ ਛਬੀਲ ਲਾਈ ਗਈ। ਇਸ ਮੌਕੇ ’ਤੇ ਕੇਂਦਰ ਦੇ ਡਾਇਰੈਕਟਰ ਧਰਮਪਾਲ ਗਰਗ, ਪ੍ਰੀਸ਼ਦ ਦੇ ਸੰਸਥਾਪਕ ਪ੍ਰਧਾਨ ਦਿਨੇਸ਼ ਗਰਗ, ਮੋਹਨ ਲਾਲ ਬਾਂਸਲ, ਹੀਰਾ ਸਿੰਘ ਅਰਨੇਜਾ, ਸਤੀਸ਼ ਰਾਜਪਾਲ, ਕੇਂਦਰ ਨਿਰਦੇਸ਼ਕ ਪਰਮਜੀਤ ਕੌਰ, ਚਰਨਜੀਤ ਕੌਰ ਅਤੇ ਯੋਗਾ ਅਧਿਆਪਕ ਕਿਰਨ ਗਰਗ ਮੌਜੂਦ ਸਨ। ਇਸੇ ਤਰ੍ਹਾਂ ਭਾਰਤ ਵਿਕਾਸ ਪ੍ਰੀਸ਼ਦ ਨੇ ਅਨਾਜ ਮੰਡੀ ਵਿੱਚ ਮਿੱਠੇ ਅਤੇ ਠੰਡੇ ਜਲ ਦੀ ਛਬੀਲ ਲਾਈ। ਇਸੇ ਤਰ੍ਹਾਂ ਸਮਾਜ ਸੇਵਕਾਂ ਨੇ ਦੇਸੂ ਰੋਡ ’ਤੇ ਜਨਤਾ ਹਸਪਤਾਲ ਦੇ ਨੇੜੇ ਰਾਹਗੀਰਾਂ ਲਈ ਮਿੱਠੇ ਅਤੇ ਠੰਡੇ ਜਲ ਦੀ ਛਬੀਲ ਲਾਈ। ਇਸੇ ਤਰ੍ਹਾਂ ਪੰਜ ਰਤਨ ਸਿਨੇਮਾ ਰੋਡ ’ਤੇ ਦੁਕਾਨਦਾਰਾਂ ਨੇ ਵੀ ਠੰਡੇ ਅਤੇ ਮਿੱਠੇ ਜਲ ਦੀ ਛਬੀਲ ਲਾਈ ਗਈ। ਇਸ ਤੋਂ ਇਲਾਵਾ ਗਰਮੀ ਤੋਂ ਰਾਹਤ ਪ੍ਰਦਾਨ ਕਰਨ ਲਈ ਸ਼ਹਿਰ ਭਰ ਵਿੱਚ ਕਈ ਥਾਵਾਂ ’ਤੇ ਮਠਿਆਈਆਂ ਅਤੇ ਜਲ ਜੀਰੇ ਦੀਆਂ ਛਬੀਲਾਂ ਲਾਈਆਂ ਗਈਆਂ।
