ਪੁਲਿਸ ਨੇ ਚੋਰੀ ਹੋਇਆ 39 ਕਿੱਲੋ ਤਾਂਬਾ ਕੀਤਾ ਬਰਾਮਦ
ਨਵੀਂ ਦਿੱਲੀ, 11 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਉੱਤਰੀ-ਪੂਰਬੀ ਜ਼ਿਲ੍ਹੇ ਦੀ ਪੁਲਿਸ ਨੇ ਇਕ ਚੋਰੀ ਦੇ ਮਾਮਲੇ ਵਿਚ ਦੋ ਨਾਬਾਲਗਾਂ ਸਮੇਤ 5 ਵਿਅਕਤੀਆਂ ਨੂੰ ਫੜਿਆ ਹੈ ਅਤੇ ਇਨ੍ਹਾਂ ਕੋਲੋਂ 39 ਕਿੱਲੋਗ੍ਰਾਮ ਚੋਰੀ ਕੀਤਾ ਤਾਂਬਾ ਸਕਰੈਪ ਬਰਾਮਦ ਕੀਤਾ ਹੈ।
ਨਵੀਂ ਦਿੱਲੀ, 11 ਅਗਸਤ (ਡਾ. ਬਲਵਿੰਦਰ ਸਿੰਘ ਸੋਢੀ)- ਉੱਤਰੀ-ਪੂਰਬੀ ਜ਼ਿਲ੍ਹੇ ਦੀ ਪੁਲਿਸ ਨੇ ਇਕ ਚੋਰੀ ਦੇ ਮਾਮਲੇ ਵਿਚ ਦੋ ਨਾਬਾਲਗਾਂ ਸਮੇਤ 5 ਵਿਅਕਤੀਆਂ ਨੂੰ ਫੜਿਆ ਹੈ ਅਤੇ ਇਨ੍ਹਾਂ ਕੋਲੋਂ 39 ਕਿੱਲੋਗ੍ਰਾਮ ਚੋਰੀ ਕੀਤਾ ਤਾਂਬਾ ਸਕਰੈਪ ਬਰਾਮਦ ਕੀਤਾ ਹੈ। ਇਨ੍ਹਾਂ ਦੇ ਨਾਂਅ ਕਰਨ (19) ਨਿਵਾਸੀ ਮੰਡੋਲੀ, ਦਿੱਲੀ, ਅਨੂਪ ਉਰਫ ਅਨੁਜ ਉਰਫ ਚੱਟਾ (18), ਨਿਵਾਸੀ ਮੰਡੋਲੀ, ਮੁਹੰਮਦ ਇਸ਼ਤਕਰ ਉਰਫ਼ ਬੱਬਲ (51) ਨਿਵਾਸੀ ਰਾਜੀਵ ਨਗਰ ਦਿੱਲੀ ਅਤੇ ਦੋ ਨਾਬਾਲਗ ਹਨ। ਇਸ ਮਾਮਲੇ ਪ੍ਰਤੀ ਹਰਸ ਵਿਹਾਰ ਥਾਣੇ ਦੀ ਪੁਲਿਸ ਨੇ ਵੀ ਆਪਣੇ ਯਤਨ ਕੀਤੇ ਸਨ। ਪੁਲਿਸ ਨੇ ਸਬੂਤਾਂ ਤੇ ਸੁਰਾਗਾਂ ਦੇ ਆਧਾਰ ’ਤੇ ਇਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲਿਸ ਇਨ੍ਹਾਂ ਦੇ ਹੋਰ ਸਾਥੀਆਂ ਦਾ ਵੀ ਪਤਾ ਕਰ ਰਹੀ ਹੈ। ਇਸ ਮਾਮਲੇ ਪ੍ਰਤੀ ਸਵਪਨਿਲ ਓਝਾ (24) ਨਾਂਅ ਦੇ ਵਿਅਕਤੀ ਨੇ ਪੁਲਿਸ ਕੋਲ ਸ਼ਿਕਾਇਤ ਕੀਤੀ ਸੀ ਕਿ ਮਾਨਸਰੋਵਰ ਪਾਰਕ, ਸ਼ਾਹਦਰਾ ਤੋਂ ਸਕਰੈਪ ਵਾਲੇ 7 ਥੈਲੇ ਉਸ ਦੇ ਗੁਦਾਮ ਤੋਂ ਚੋਰੀ ਹੋ ਗਏ ਹਨ। ਪੁਲਿਸ ਵਲੋਂ ਫੜੇ ਗਏ ਵਿਅਕਤੀਆਂ ਨੇ ਕੀਤੀ ਚੋਰੀ ਕਬੂਲ ਕੀਤੀ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ।
