ਆਨਲਾਈਨ ਭਜਨ ਗਾਇਨ ਮੁਕਾਬਲਾ ਕਰਵਾਇਆ
ਯਮੁਨਾਨਗਰ, 3 ਸਤੰਬਰ (ਗੁਰਦਿਆਲ ਸਿੰਘ ਨਿਮਰ)- ਡੀ. ਏ.
ਯਮੁਨਾਨਗਰ, 3 ਸਤੰਬਰ (ਗੁਰਦਿਆਲ ਸਿੰਘ ਨਿਮਰ)- ਡੀ. ਏ. ਵੀ. ਗਰਲਜ਼ ਕਾਲਜ ਦੇ ਸੰਗੀਤ ਵਿਭਾਗ ਅਤੇ ਮਹਿਲਾ ਸੈੱਲ ਦੇ ਸਾਂਝੇ ਸਹਿਯੋਗ ਹੇਠ ਜਨਮ ਅਸ਼ਟਮੀ ਦੇ ਮੌਕੇ ‘ਤੇ ਆਨਲਾਈਨ ਭਜਨ ਗਾਇਨ ਮੁਕਾਬਲਾ ਕਰਵਾਇਆ ਗਿਆ। ਇਸ ਵਿਚ ਅੰਬਾਲਾ, ਯਮੁਨਾਨਗਰ, ਚੰਡੀਗੜ੍ਹ, ਕਰਨਾਲ ਅਤੇ ਹੋਰ ਜ਼ਿਲ੍ਹਿਆਂ ਦੇ ਕਾਲਜਾਂ ਦੇ 18 ਭਾਗੀਦਾਰਾਂ ਨੇ ਹਿੱਸਾ ਲਿਆ। ਇਸ ਮੌਕੇ ਸੰਗੀਤ ਵਿਭਾਗ ਦੀ ਚੇਅਰਪਰਸਨ ਡਾ. ਨੀਤਾ ਦਿਵੇਦੀ ਅਤੇ ਮਹਿਲਾ ਸੈੱਲ ਕਨਵੀਨਰ ਡਾ. ਮੀਨਾਕਸ਼ੀ ਸੈਣੀ ਨੇ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕੀਤੀ। ਇਸ ਦੌਰਾਨ ਵਣਜ ਵਿਭਾਗ ਦੇ ਐਸੋਸੀਏਟ ਪ੍ਰੋ. ਵਿਵੇਕ ਅਤੇ ਅੰਗਰੇਜ਼ੀ ਵਿਭਾਗ ਦੇ ਐਸੋਸੀਏਟ ਪ੍ਰੋ. ਲਵਲੀ ਰਾਜ ਜਿਊਰੀ ਦਾ ਹਿੱਸਾ ਸਨ। ਇਸ ਮੁਕਾਬਲੇ ਵਿਚ ਸਰਕਾਰੀ ਪੀ. ਜੀ. ਕਾਲਜ ਚੰਡੀਗੜ੍ਹ ਦੀ ਪੂਜਾ ਰਾਵਤ, ਐਸ. ਡੀ. ਕਾਲਜ, ਅੰਬਾਲਾ ਛਾਉਣੀ ਦੇ ਯੁਵਰਾਜ ਤੇ ਜੀ. ਐਨ. ਜੀ. ਕਾਲਜ ਦੀ ਪ੍ਰਗਤੀ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਐਸ. ਡੀ. ਕਾਲਜ, ਅੰਬਾਲਾ ਛਾਉਣੀ ਦੀ ਗੁਰੂਸਾ, ਡੀ. ਏ. ਵੀ. ਗਰਲਜ਼ ਕਾਲਜ ਦੀ ਮਹਿਕ ਤੇ ਨੈਨਸੀ ਤੇ ਸਰਕਾਰੀ ਕਾਲਜ ਇੰਦਰੀ ਦੀ ਸ਼ਿਵਾਨੀ ਨੇ ਹੌਸਲਾ ਅਫਜ਼ਾਈ ਇਨਾਮ ਪ੍ਰਾਪਤ ਕੀਤੇ। ਇਸ ਮੌਕੇ ਡਾ. ਪਰਮੇਸ਼ ਕੁਮਾਰ, ਡਾ. ਸ਼ਿਖਾ, ਮਨਿਕਾ ਸੇਠੀ ਤੇ ਨੀਲਮ ਨੇ ਸਮਾਗਮ ਦੇ ਸਫਲ ਪ੍ਰੋਗਰਾਮ ਵਿਚ ਯੋਗਦਾਨ ਪਾਇਆ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
