ਤਿੰਨ ਮੰਜ਼ਿਲਾ ਨਿਰਮਾਣ ਅਧੀਨ ਡਿੱਗੀ ਇਮਾਰਤ ਦੇ ਮਲਬੇ ’ਚੋਂ ਨਿਕਲੀਆਂ ਤਿੰਨ ਲਾਸ਼ਾਂ
ਨਵੀਂ ਦਿੱਲੀ, 7 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਪੁਰਾਣੀ ਦਿੱਲੀ ਦੇ ਚਾਵੜੀ ਬਾਜ਼ਾਰ ਵਿਚ ਤਿੰਨ ਮੰਜ਼ਿਲਾ ਨਿਰਮਾਣ ਅਧੀਨ ਇਮਾਰਤ ਦੇ ਡਿੱਗਣ ’ਤੇ ਬੀਤੇ ਦਿਨੀੰ ਵੱਡਾ ਹਾਦਸਾ ਹੋਇਆ ਸੀ।
ਨਵੀਂ ਦਿੱਲੀ, 7 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਪੁਰਾਣੀ ਦਿੱਲੀ ਦੇ ਚਾਵੜੀ ਬਾਜ਼ਾਰ ਵਿਚ ਤਿੰਨ ਮੰਜ਼ਿਲਾ ਨਿਰਮਾਣ ਅਧੀਨ ਇਮਾਰਤ ਦੇ ਡਿੱਗਣ ’ਤੇ ਬੀਤੇ ਦਿਨੀੰ ਵੱਡਾ ਹਾਦਸਾ ਹੋਇਆ ਸੀ। ਅੱਜ ਇਸ ਮਲਬੇ ਵਿਚੋਂ ਦੱਬੀਆਂ ਹੋਈਆਂ ਤਿੰਨ ਲਾਸ਼ਾਂ ਨਿਕਲੀਆਂ ਹਨ। ਇਸ ਹਾਦਸੇ ਵਿਚ ਜ਼ਖ਼ਮੀ ਹੋਏ ਦੋ ਲੋਕਾਂ ਦਾ ਇਲਾਜ ਚੱਲ ਰਿਹਾ ਹੈ, ਜਿਨ੍ਹਾਂ ਦੇ ਨਾਂਅ ਸਹਿਦੇਵ ਚੌਧਰੀ (25) ਅਤੇ ਫ਼ਿਰੋਜ (37) ਹੈ। ਇਸ ਹਾਦਸੇ ਪ੍ਰਤੀ ਲਾਪ੍ਰਵਾਹੀ ਵਰਤਣ ਦੇ ਦੋਸ਼ ਵਿਚ ਨਗਰ ਨਿਗਮ ਦੇ ਅਸਿਸਟੈਂਟ ਇੰਜੀਨੀਅਰ ਮੁਹੰਮਦ ਨਦੀਮ ਅਤੇ ਜੂਨੀਅਰ ਇੰਜੀਨੀਅਰ ਅਮਨ ਦਲਾਲ ਨੂੰ ਪਹਿਲਾਂ ਹੀ ਸਸਪੈਂਡ ਕੀਤਾ ਜਾ ਚੁੱਕਿਆ ਹੈ। ਇਹ ਨਿਰਮਾਣ ਅਧੀਨ ਇਮਾਰਤ ਤੰਗ ਗਲੀ ਵਿਚ ਹੋਣ ’ਤੇ ਅੱਗ ਬੁਝਾਊ ਗੱਡੀਆਂ, ਜੇ.ਸੀ.ਬੀ., ਐਂਬੂਲੈਂਸ ਨੂੰ ਪਹੁੰਚਣ ’ਚ ਕਾਫੀ ਪ੍ਰੇਸ਼ਾਨੀ ਹੋਈ ਸੀ। ਇਸ ਇਮਾਰਤ ਪ੍ਰਤੀ ਕੋਈ ਨਕਸ਼ਾ ਪਾਸ ਨਹੀਂ ਕਰਵਾਇਆ ਗਿਆ ਸੀ। ਦਿੱਲੀ ਪੁਲਿਸ ਵਲੋਂ ਧਾਰਾ 105 (ਬੀ.ਐਨ.ਐਸ.) ਦੇ ਅਧੀਨ ਕੇਸ ਦਰਜ ਕਰਕੇ ਤਿੰਨ ਠੇਕੇਦਾਰਾਂ (ਸਿਰਾਜ, ਤਾਜੁਦੀਨ ਅਤੇ ਫੁਰਕਾਨ) ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
