ਦਿੱਲੀ / ਹਰਿਆਣਾ

ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਦਿੱਲੀ ਪਵੇਲੀਅਨ ਦਾ ਕੀਤਾ ਉਦਘਾਟਨ

ਨਵੀਂ ਦਿੱਲੀ, 14 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਪ੍ਰਗਤੀ ਮੈਦਾਨ ਵਿਖੇ ਲੱਗੇ ਅੰਤਰਰਾਸ਼ਟਰੀ ਵਪਾਰ ਮੇਲੇ ਵਿਚ ਦਿੱਲੀ ਪਵੇਲੀਅਨ ਦਾ ਉਦਘਾਟਨ ਆਪਣੇ ਕਰ-ਕਮਲਾਂ ਨਾਲ ਕੀਤਾ।

ਮ

ਮੇਲੇ ਦੌਰਾਨ ਲੱਦਾਖ ਪਵੇਲੀਅਨ ਦਾ ਉਦਘਾਟਨ ਕਰਦੇ ਹੋਏ ਉਪ ਰਾਜਪਾਲ ਵਿਨੈ ਕੁਮਾਰ ਸਕਸੈਨਾ। 15-11-2026

ਨਵੀਂ ਦਿੱਲੀ, 14 ਨਵੰਬਰ (ਡਾ. ਬਲਵਿੰਦਰ ਸਿੰਘ ਸੋਢੀ)- ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਪ੍ਰਗਤੀ ਮੈਦਾਨ ਵਿਖੇ ਲੱਗੇ ਅੰਤਰਰਾਸ਼ਟਰੀ ਵਪਾਰ ਮੇਲੇ ਵਿਚ ਦਿੱਲੀ ਪਵੇਲੀਅਨ ਦਾ ਉਦਘਾਟਨ ਆਪਣੇ ਕਰ-ਕਮਲਾਂ ਨਾਲ ਕੀਤਾ। ਇਸ ਸਾਲ ਮੇਲੇ ਵਿਚ ਦਿੱਲੀ ਨੂੰ ਫੋਕਸ ਰਾਜ ਦੇ ਰੂਪ ਵਿਚ ਪ੍ਰਦਰਸ਼ਿਤ ਕੀਤਾ ਗਿਆ ਹੈ, ਜਦਕਿ ਪੂਰੇ ਮੇਲੇ ਦੀ ਥੀਮ ‘ਵਿਕਾਸ ਅਤੇ ਵਿਰਾਸਤ’ ਰੱਖੀ ਗਈ ਹੈ। ਦਿੱਲੀ ਪਵੇਲੀਅਨ ਵਿਚ 50 ਤੋਂ ਜ਼ਿਆਦਾ ਵੱਖ-ਵੱਖ ਸਟਾਲ ਲਗਾਏ ਗਏ ਹਨ ਅਤੇ ਇਨ੍ਹਾਂ ਵਿਚ 10 ਸਟਾਲ ਅਜਿਹੇ ਹਨ, ਜੋ ਕਿ ਵਿਸ਼ੇਸ਼ ਰੂਪ ਵਿਚ ਔਰਤ ਕਾਰੋਬਾਰੀਆਂ ਨੂੰ ਸਮਰਪਿਤ ਹਨ। ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਵੱਖ-ਵੱਖ ਸਟਾਲਾਂ ਨੂੰ ਸਰਮਪਿਤ ਹਨ। ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਵੱਖ-ਵੱਖ ਸਟਾਲਾਂ ਦਾ ਨਿਰੀਖਣ ਕੀਤਾ ਅਤੇ ਕਾਰੋਬਾਰੀਆਂ ਦੇ ਨਾਲ ਗੱਲਬਾਤ ਵੀ ਕੀਤੀ। ਇਸ ਪਵੇਲੀਅਨ ਵਿਚ ਦਿੱਲੀ ਦੀ ਸਮੁੱਚੀ ਵਿਰਾਸਤ, ਸਥਾਨਕ ਸ਼ਿਲਪ ਕੌਸ਼ਲ, ਸਵੱਛ ਅਤੇ ਪੁਨਰਜੀਵਤ ਜਮਨਾ ਦਾ ਕੀਤਾ ਜਾ ਰਿਹਾ ਯਤਨ, ਗਰੀਨ ਮੋਬਿਲਟੀ ਅਤੇ ਭਵਿੱਖ ਦੇ ਨਾਲ ਜੁੜੀਆਂ ਹੋਈਆਂ ਪ੍ਰੀ-ਯੋਜਨਾਵਾਂ ਨੂੰ ਦਰਸਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਲਖਾਨ ਦੇ ਐਲ.ਜੀ. ਵਿਨੈ ਕੁਮਾਰ ਸਕਸੈਨਾ ਨੇ ਲਦਾਖ ਪਵੇਲੀਅਨ ਦਾ ਉਦਘਾਟਨ ਕੀਤਾ, ਜਿਸ ਵਿਚ 14 ਸਟਾਲ ਹਨ। ਵੱਖ-ਵੱਖ ਸਟਾਲਾਂ ’ਤੇ ਲੱਦਾਖ ਦੀ ਸੱਭਿਆਚਾਰਕ ਵਿਰਾਸਤ ਅਤੇ ਜੀ.ਆਈ. ਟੈਗ ਵਾਲੇ ਪ੍ਰੰਪਰਾਗਤ ਉਤਪਾਦ ਪ੍ਰਦਰਸ਼ਿਤ ਹਨ, ਜਿਸ ਵਿਚ ਪਸ਼ਮੀਨਾ, ਹੈਂਡਲੂਮ, ਹਸਤਸਿਲਪ, ਕਢਾਈ ਅਤੇ ਹੋਰ ਅਨੇਕਾਂ ਉਤਪਾਦ ਸ਼ਾਮਿਲ ਹਨ।

ਪਿਛਲੀ ਖ਼ਬਰ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਪ੍ਰਭਾਤ ਫੇਰੀਆਂ ਜਾਰੀ - ਸੰਗਤਾਂ ’ ਚ ਭਾਰੀ ਉਤਸ਼ਾਹ ਅਗਲੀ ਖ਼ਬਰ ਪਰਾਲੀ ਨੂੰ ਅੱਗ ਲਾਉਣ ਦੇ ਮਾਮਲੇ ’ ਚ ਸਦਰ ਪੁਲਿਸ ਜ਼ੀਰਾ ਵਲੋਂ ਦਰਜਨਾਂ ਕਿਸਾਨਾਂ ਖ਼ਿਲਾਫ਼ ਪਰਚੇ ਦਰਜ

ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਦਿੱਲੀ ਪਵੇਲੀਅਨ ਦਾ ਕੀਤਾ ਉਦਘਾਟਨ

ਸੰਬੰਧਿਤ ਖ਼ਬਰਾਂ