ਜਲੰਧਰ, 4 ਫਰਵਰੀ (ਡਾ.ਜਤਿੰਦਰ ਸਾਬੀ) ਰਾਂਊਡ ਗਲਾਸ ਹਾਕੀ ਅਕੈਡਮੀ ਦੇ ਵੱਖ ਵੱਖ ਖੇਡ ਅਕੈਡਮੀਆਂ ਦੇ ਚੋਣ ਟਰਾਇਲ 8 ਫਰਵਰੀ ਤੋਂ ਸ਼ੁਰੂ ਕੀਤੇ ਜਾ ਰਹੇ ਹਨ | ਉਲੰਪੀਅਨ ਰਜਿੰਦਰ ਸਿੰਘ ਸੀਨੀਅਰ ਨੇ ਦੱਸਿਆ ਕਿ ਹਾਕੀ ਸਟੇਡੀਅਮ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਵਿਖੇ 8 ਫਰਵਰੀ ਨੂੰ 2008 ਤੋਂ 2010 ਤੱਕ ਪੈਦਾ ਹੋਏ ਖਿਡਾਰੀ ਅਤੇ ਹਾਕੀ ਐਸਟਰੋਟਰਫ ਗਰਾਊਾਡ ਮਰੜ ਵਿਖੇ 2011-2012 ਤੱਕ ਪੈਦਾ ਹੋਏ ਹਾਕੀ ਖਿਡਾਰੀ ਇਨ੍ਹਾਂ ਚੋਣ ਟਰਾਇਲਾਂ 'ਚ ਹਿੱਸਾ ਲੈ ਸਕਦੇ ਹਨ | ਉਨ੍ਹਾਂ ਅੱਗੇ ਦੱਸਿਆ ਕਿ 15 ਫਰਵਰੀ ਨੂੰ ਹਾਕੀ ਐਸਟਰੋਟਰਫ ਗਰਾਂਊਡ ਮਰੜ ਵਿਖੇ 2013 ਤੋਂ 2015 ਤੱਕ ਪੈਦਾ ਹੋਏ ਖਿਡਾਰੀ ਤੇ ਹਾਕੀ ਸਟੇਡੀਅਮ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਵਿਖੇ 2013ਤੋਂ 2015 ਤੱਕ ਪੈਦਾ ਹੋਏ ਖਿਡਾਰੀ ਚੋਣ ਟਰਾਇਲਾਂ 'ਚ ਹਿੱਸਾ ਲੈ ਸਕਦੇ ਹਨ | ਇਨ੍ਹਾਂ ਚੋਣ ਟਰਾਇਲਾਂ 'ਚ ਹਿੱਸਾ ਲੈਣ ਵਾਲੇ ਖਿਡਾਰੀ ਆਪਣੇ ਨਾਲ ਅਸਲ ਜਨਮ ਮਿਤੀ ਦਾ ਸਰਟੀਫਿਕੇਟ, ਅਸਲ ਆਧਾਰ ਕਾਰਡ ਤੇ ਹਾਕੀ ਦੀ ਖੇਡ ਕਿੱਟ ਨਾਲ ਲੈ ਕੇ ਸਮੇਂ ਸਿਰ ਚੋਣ ਕਮੇਟੀ ਕੋਲ ਰਿਪੋਰਟ ਕਰਨ |