ਜਲੰਧਰ, 8 ਅਪ੍ਰੈਲ (ਸ਼ਿਵ)-ਨਗਰ ਨਿਗਮ ਵੱਲੋਂ ਕੁੱਝ ਦਿਨ ਪਹਿਲਾਂ ਇੱਕ ਸਾਲ ਤੋਂ ਖ਼ਰਾਬ ਪਈ ਮੈਂਬਰੋ ਚÏਾਕ ਤੋਂ ਸ੍ਰੀ ਗੁਰੂ ਰਵਿਦਾਸ ਚÏਾਕ ਤੱਕ ਸੜਕ ਬਣਾਈ ਗਈ ਸੀ ਪਰ ਇਸ ਨਵੀਂ ਸੜਕ ਦੇ ਕੁੱਝ ਹਿੱਸਿਆਂ ਵਿਚ ਰੋਡ ਗਲੀਆਂ ਨਹੀਂ ਬਣਾਈਆਂ ਗਈਆਂ | ਜਿਸ ਕਰਕੇ ਉਸ ਜਗਾ 'ਤੇ ਪਾਣੀ ਖੜ੍ਹਾ ਰਹਿਣ ਕਰਕੇ ਲੋਕਾਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਲੋਕਾਂ ਦਾ ਕਹਿਣਾ ਸੀ ਕਿ ਠੇਕੇਦਾਰ ਨੇ ਰੋਡ ਗਲੀਆਂ ਨਹੀਂ ਬਣਾਈਆਂ ਜਿਸ ਕਰਕੇ ਕਈ ਦਿਨ ਤੱਕ ਪਾਣੀ ਖੜ੍ਹਾ ਰਹਿੰਦਾ ਹੈ | ਇਲਾਕੇ ਦੇ ਦੁਕਾਨਦਾਰ ਹੇਮਰਾਜ, ਸੁਰਜੀਤ ਕੁਮਾਰ ਮਿੱਠੂ ਨੇ ਦੱਸਿਆ ਕਿ ਜਦੋਂ ਇਹ ਸੜਕ ਬਣ ਰਹੀ ਸੀ ਤਾਂ ਨਿਗਮ ਵਲੋਂ ਇਸ ਦੇ ਹੋ ਰਹੇ ਨਿਰਮਾਣ ਦੌਰਾਨ ਕੋਈ ਵੀ ਜਾਂਚ ਕਰਨ ਨਹੀਂ ਆਇਆ ਜਿਸ ਕਰਕੇ ਰੋਡ ਗਲੀਆਂ ਨਹੀਂ ਬਣਾਈਆਂ ਗਈਆਂ | ਪਾਣੀ ਖੜ੍ਹਾ ਰਹਿਣ ਕਰਕੇ ਕਈ ਬਾਰ ਗੱਡੀਆਂ ਧਸ ਜਾਂਦੀਆਂ ਹਨ | ਲੋਕਾਂ ਦਾ ਕਹਿਣਾ ਸੀ ਕਿ ਰੋਡ ਗਲੀਆਂ ਦੇ ਨਾ ਬਣਨ ਦਾ ਇਹ ਮੁੱਦਾ ਨਗਰ ਨਿਗਮ ਹਾਊਸ ਦੀ ਮੀਟਿੰਗ ਵਿਚ ਵੀ ਉੱਥੋਂ ਦੇ ਇੱਕ ਕÏਾਸਲਰ ਨੇ ਵੀ ਚੁੱਕਿਆ ਸੀ ਪਰ ਕਿਸੇ ਨੇ ਵੀ ਦੁਬਾਰਾ ਮÏਕਾ ਨਹੀਂ ਵੇਖਿਆ | ਹੇਮਰਾਜ ਨੇ ਦੱਸਿਆ ਕਿ ਦੁਕਾਨਾਂ ਅੱਗੇ ਸੜਕ 'ਤੇ ਇਸ ਹਿੱਸੇ 'ਤੇ ਪਾਣੀ ਦੇ ਖੜ੍ਹੇ ਹੋਣ ਕਰਕੇ ਉਨਾਂ ਦਾ ਕਾਰੋਬਾਰ ਹੀ ਬੰਦ ਹੋ ਗਿਆ ਹੈ |
