ਆਦਮਪੁਰ, 17 ਅਪ੍ਰੈਲ (ਹਰਪ੍ਰੀਤ ਸਿੰਘ, ਰਮਨ ਦਵੇਸਰ)-ਦਾਣਾ ਮੰਡੀ ਆਦਮਪੁਰ ਵਿਖੇ ਕਣਕ ਦੀ ਸਰਕਾਰੀ ਖਰੀਦ ਚੇਅਰਮੈਨ ਪਰਮਜੀਤ ਸਿੰਘ ਤੇ ਸੈਕਟਰੀ ਦਲਵੀਰ ਸਿੰਘ ਦੀ ਅਗਵਾਈ ਹੇਠ ਦਾ ਰਸਮੀ ਆਗਾਜ਼ ਬੋਲੀ ਲਗਾ ਕੇ ਕੀਤਾ | ਪ੍ਰਸ਼ਾਸਨ ਵਲੋਂ ਕੀਤੇ ਪੁਖ਼ਤਾ ਪ੍ਰਬੰਧਾਂ ਦੇ ਦਾਅਵਿਆਂ ਦਰਮਿਆਨ ਵੱਖ-ਵੱਖ ਖਰੀਦ ਏਜੰਸੀਆਂ ਦੇ ਅਧਿਕਾਰੀ ਮੰਡੀ ਵਿਚ ਪਹੁੰਚੇ ਅਤੇ ਕਿਸਾਨਾਂ ਦੀ ਫ਼ਸਲ ਦੀ ਸਰਕਾਰੀ ਬੋਲੀ ਸ਼ੁਰੂ ਕਰਵਾਈ | ਜਾਣਕਾਰੀ ਦਿੰਦੇ ਸੈਕਟਰੀ ਦਲਵੀਰ ਸਿੰਘ ਦੱਸਿਆ ਕਿ ਅੱਜ ਸਵੇਰੇ ਅਦਮਪੁਰ ਮੰਡੀ ਵਿਚ ਪਹੁੰਚੀ ਕਣਕ ਦੀ ਪਹਿਲੀ ਢੇਰੀ ਦੀ ਬੋਲੀ ਮੌਕੇ ਖਰੀਦ ਏਜੰਸੀਆਂ ਨੇ ਨਮੀ ਦੀ ਮਾਤਰਾ ਚੈੱਕ ਕੀਤੀ, ਜੋ ਕਿ ਨਿਰਧਾਰਿਤ ਮਾਪਦੰਡਾਂ ਦੇ ਅੰਦਰ ਪਾਈ ਗਈ | ਮਾਰਕੀਟ ਕਮੇਟੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਮੰਡੀ ਵਿਚ ਕਿਸਾਨਾਂ ਲਈ ਪੀਣ ਵਾਲੇ ਸਾਫ਼ ਪਾਣੀ, ਬਿਜਲੀ ਤੇ ਛਾਂ ਦੇ ਪੂਰੇ ਪ੍ਰਬੰਧ ਕੀਤੇ ਗਏ ਹਨ | ਇਸ ਮੌਕੇ ਆੜਤੀਆ ਐਸੋਸੀਏਸ਼ਨ ਬਲਾਕ ਪ੍ਰਧਾਨ ਗੁਰਦਿਆਲ ਸਿੰਘ ਨਿੱਜਰ, ਰਮਨ ਕੁਮਾਰ ਬੋਬੀ ਵਾਈਸ ਪ੍ਰਧਾਨ, ਗੁਰਮੀਤ ਸਿੰਘ, ਰਵੀਪਾਲ, ਮੁਨੀਸ਼ ਗੁਪਤਾ, ਗਗਨਦੀਪ ਸਿੰਘ, ਆਸ਼ੂ ਗੁਪਤਾ,ਪਵਨ ਕੁਮਾਰ, ਵਾਲ ਕਿ੍ਸ਼ਨ,ਬਲਵਿੰਦਰ ਸਿੰਘ, ਸਾਬੀ ਜਲਪੋਤ, ਇੰਸਪੈਕਟਰ ਜਗਜੀਤ ਜਗਜੀਤ ਸਿੰਘ ਪਨਗਰੇਨ, ਇੰਸਪੈਕਟਰ ਸੁਰਿੰਦਰ ਪਾਲ ਮਾਰਕਫੈਡ, ਲਖਵੀਰ ਸਿੰਘ, ਨਿਲਾਮੀ ਰਿਕਾਰਡਰ ਆਦਮਪੁਰ ਮੰਡੀ, ਸੁਖਦੇਵ ਸਿੰਘ ਮੰਡੀ ਸੁਪਰਵਾਈਜ਼ਰ ਸਮੇਤ ਮੰਡੀ ਦੇ ਆੜ੍ਹਤੀਏ ਹਾਜ਼ਰ ਹੋਏ |
