ਜਲੰਧਰ, 21 ਅਪ੍ਰੈਲ (ਐੱਮ. ਐੱਸ. ਲੋਹੀਆ)-ਇੰਡੀਅਨ ਡੈਂਟਲ ਐਸੋਸੀਏਸ਼ਨ (ਆਈ. ਡੀ. ਏ.) ਦੀ ਜ਼ਿਲ੍ਹਾ ਸ਼ਾਖਾ ਵਲੋਂ ਸਾਲ 2026 ਦਾ ਦੂਜਾ ਦੰਦਾਂ ਦੀ ਜਾਂਚ ਤੇ ਜਾਗਰੂਕਤਾ ਕੈਂਪ ਲਗਾਇਆ | ਸਰਸਵਤੀ ਸਿੰਧੂ ਨਿਆਸ, ਸੁਦਾਮਾ ਵਿਹਾਰ, ਕ੍ਰਿਸ਼ਨਾ ਨਗਰ, ਖਾਂਬੜਾ ਵਿਖੇ ਲਗਾਏ ਕੈਂਪ ਦੌਰਾਨ ਡਾ. ਰਾਹੁਲ ਭਾਸਕਰ, ਡਾ. ਸੰਜੀਵ ਕੁਕਰੇਜਾ, ਡਾ. ਨਿਧੀ ਪਰਹਾਰ, ਡਾ. ਗੁਰਪ੍ਰੀਤ ਕੌਰ, ਡਾ. ਰਿਸ਼ੀ ਸੈਣੀ, ਡਾ. ਅੰਕੁਸ਼ ਸ਼ਰਮਾ, ਡਾ. ਸੋਮਨਪ੍ਰੀਤ ਤੇ ਡਾ. ਰਜੱਤ ਸਰੀਨ ਨੇ ਵਿਸ਼ੇਸ਼ ਸਹਿਯੋਗ ਦਿੱਤਾ | ਡਾ. ਮਨਮੋਹਿੱਤ ਸਿੰਘ ਵਲੋਂ ਵਿਦਿਆਰਥੀਆਂ ਲਈ ਕਾਪੀਆਂ ਆਦਿ ਮੁਹੱਈਆ ਕਰਵਾਈਆਂ ਗਈਆਂ | ਐਸੋਸੀਏਸ਼ਨ ਦੇ ਡਾਕਟਰਾਂ ਨੇ ਆਪਸੀ ਸਹਿਯੋਗ ਨਾਲ ਸੰਸਥਾ 'ਚ ਠੰਡੇ ਪਾਣੀ ਦਾ ਕੂਲਰ ਲਗਵਾਇਆ ਤੇ ਆਰਥਿਕ ਤੌਰ 'ਤੇ ਕਮਜ਼ੋਰ ਪਰਿਵਾਰਾਂ ਦੇ ਬੱਚਿਆਂ ਨੂੰ ਸਕੂਲੀ ਸਮੱਗਰੀ ਦੀ ਸਹਾਇਤਾ ਦਿੱਤੀ |
