ਜਲੰਧਰ

ਏਪੀਜੇ ਸਕੂਲ ਮਾਡਲ ਟਾਊਨ 'ਚ ਹੈੱਡ ਬੁਆਏ ਤੇ ਹੈੱਡ ਗਰਲ ਦੀ ਕੀਤੀ ਚੋਣ <br/>

ਸਮਾਗਮ ਦੌਰਾਨ ਹਾਜ਼ਰ ਏਪੀਜੇ ਸਕੂਲ ਮਾਡਲ ਟਾਊਨ ਦੇ ਵਿਦਿਆਰਥੀ | ਤਸਵੀਰ-ਜੀ.ਪੀ.ਸਿੰਘ <br/> 03-05-2026

ਜਲੰਧਰ, 2 ਮਈ (ਪਵਨ ਖਰਬੰਦਾ)-ਏਪੀਜੇ ਸਕੂਲ ਮਾਡਲ ਟਾਊਨ ਜਲੰਧਰ ਵਿਖੇ ਅਕਾਦਮਿਕ ਸੈਸ਼ਨ 2026-27 ਲਈ ਨਵੀਂ ਚੁਣੀ ਗਈ ਵਿਦਿਆਰਥੀ ਪ੍ਰੀਸ਼ਦ ਲਈ ਸਨਮਾਨ ਸਮਾਰੋਹ ਬਹੁਤ ਹੀ ਸ਼ਾਨ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਮੌਕੇ ਸਮਾਰੋਹ ਦੀ ਸ਼ੁਰੂਆਤ ਰਸਮੀ ਦੀਵਾ ਜਗਾਉਣ ਨਾਲ ਹੋਈ | ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਨਵਦੀਪ ਸਿੰਘ ਐਸਡੀਐਮ ਜਲੰਧਰ ਨੇ ਵਿਦਿਆਰਥੀਆਂ ਨੂੰ ਆਪਣੇ ਪ੍ਰੇਰਣਾਦਾਇਕ ਅਤੇ ਉਤਸ਼ਾਹਜਨਕ ਸ਼ਬਦਾਂ ਨਾਲ ਪ੍ਰੇਰਿਤ ਕੀਤਾ | ਨਵੇਂ ਚੁਣੇ ਗਏ ਕੌਂਸਲ ਮੈਂਬਰਾਂ ਨੂੰ ਸਕੂਲ ਦੇ ਪਿ੍ੰਸੀਪਲ ਡਾ. ਰਾਜੇਸ਼ ਚੰਦੇਲ ਨੇ ਉਨ੍ਹਾਂ ਦੀਆਂ ਪ੍ਰਾਪਤੀਆਂ ਅਤੇ ਲੀਡਰਸ਼ਿਪ ਸਮਰੱਥਾ ਦੇ ਸਨਮਾਨ ਵਿੱਚ ਰਸਮੀ ਤੌਰ 'ਤੇ ਬੈਜ ਅਤੇ ਸੈਸ਼ ਨਾਲ ਸਨਮਾਨਿਤ ਕੀਤਾ | ਇਸ ਮੌਕੇ ਬੱਚਿਆਂ ਦੇ ਪਰਿਵਾਰਕ ਮੈਂਬਰ ਵੀ ਹਾਜ਼ਰ ਸਨ | ਇਸ ਦੌਰਾਨ ਸੀਨੀਅਰ ਵਿੰਗ 'ਚ ਹੈੱਡ ਬੁਆਏ ਵਜੋਂ ਨਕਸ਼ਤਰ ਭਾਰਤੀਆ, ਹੈੱਡ ਗਰਲ ਜਸਮੇਹ, ਵਾਈਸ ਹੈੱਡ ਬੁਆਏ ਹਿਮਾਂਸ਼ ਗੰਭੀਰ ਅਤੇ ਵਾਈਸ ਹੈੱਡ ਗਰਲ ਸਿਮਰਬੀਰ ਕੌਰ ਨੂੰ ਚੁਣਿਆ ਗਿਆ | ਜੂਨੀਅਰ ਵਿੰਗ 'ਚ ਜੂਨੀਅਰ ਹੈੱਡ ਬੁਆਏ ਧਰੁਵੰਸ਼ ਚੋਪੜਾ ਤੇ ਜੂਨੀਅਰ ਹੈੱਡ ਗਰਲ ਦਿਸ਼ਿਤਾ ਸ਼ਾਹੀ, ਵਾਈਸ ਹੈੱਡ ਬੁਆਏ ਆਰਿਵ ਸੂਦ ਤੇ ਵਾਈਸ ਹੈੱਡ ਗਰਲ ਵਜੋਂ ਲਵੀਸ਼ਾ ਦੀ ਚੋਣ ਕੀਤੀ ਗਈ | ਸਮਾਰੋਹ ਨੇ ਕੌਂਸਲ ਮੈਂਬਰਾਂ ਵਿੱਚ ਮਾਣ, ਜ਼ਿੰਮੇਵਾਰੀ ਅਤੇ ਸਮਰਪਣ ਦੀ ਡੂੰਘੀ ਭਾਵਨਾ ਪੈਦਾ ਕੀਤੀ | ਇਸ ਦੌਰਾਨ ਪਿ੍ੰਸੀਪਲ ਡਾ. ਰਾਜੇਸ਼ ਚੰਦੇਲ ਨੇ ਵੀ ਵਿਦਿਆਰਥੀਆਂ ਨੂੰ ਸੰਬੋਧਨ ਕੀਤਾ | ਇਸ ਮੌਕੇ ਏਪੀਜੇ ਰਿਦਮਜ਼ ਇੰਚਾਰਜ ਨਿਧੀ ਘਈ ਅਤੇ ਅਧਿਆਪਕ ਵੀ ਮੌਜੂਦ ਸਨ |